Charter Document - 05450624
| Charter Number: | 05450624 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1225 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Walterus Cotel salutem in domino Noverit universitas vestra me dedisse et hac mea presenti carta confirmasse deo et sancte Marie et sancto Johanni baptiste de Godestowe et monialibus ibidem deo servientibus pro salute anime mee et pro animabus patris et matris mee et antecessorum et successorum meorum in puram et perpetuam elemosinam tres acras terre in campo de Silingeford sicut aliqua elemosina melius et liberius dari possit scilicet quas hereditarie tenui de feodo Ricardi Restwel scilicet unam acram ad caput culture que dicitur Trente Acres que extendit in Greneweye et duas acras in Stretforlonge que extendunt in viam inter Silingford et Sildenebrige Et ut hec mea donatio et concessio rata sit et stabilis sigilli mei appositione confirmavi Hiis testibus dominis Willelmo Walerando Thoma Huberto Absalone capellanis de Godestowe Johanne capellano de sancto Egidio Radulpho Harang Roberto de Sewecord Roberto de Witham Roberto Pippard Roberto Morgan Petro et Bernardo clericis de Godestowe et multis aliis