Charter Document - 05450622
| Charter Number: | 05450622 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1212 - 1225 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Walterus filius Angetil salutem in domino Noverit universitas vestra me intuitu dei et pro salute anime mee et omnium antecessorum et successorum meorum dedisse et hac presenti carta mea confirmasse deo et beate Marie et sancto Johanni baptiste de Godestowe et monialibus ibidem deo servientibus in liberam puram et perpetuam elemosinam unam acram terre mee in campo de Scillingford in cultura que appellatur Presteforlang scilicet illam que propinquior est terre ipsius abbatisse et conventus post divisum terre Willelmi filii Rikild et totam partem pasture mee de Linche que ad me pertinet habendam et tenendam de me et heredibus meis libere et quiete ab omni seculari servitio et demanda imperpetuum Et ego Walterus et heredes mei illam predictam acram terrre et predictam pasturam predictis monialibus contra omnes homines warantizabimus Et ut hec mea donatio rata et inconcussa permaneat hoc presens scriptum sigilli mei appositione corroboravi Hiis testibus domino Rogero abbate de Dorkecestre domino Johanne Absalone Bernardo Nicholao capellanis de Godestowe Ricardo Restewald Roberto de Ricote Willelmo Wyer Reginaldo janitore de Godestowe et multis aliis