Charter Document - 05450621
| Charter Number: | 05450621 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1234 |
| Date type: | Internal, A.D. |
| Resource Link(s): |
|
Charter:
Sciant presentes et futuri quod ego Turstanus dispensator domini regis Angl consensu et voluntate domini Radulphi dispensatoris fratris mei rectoris ecclesie de Rollendrith hac presenti carta mea confirmavi deo et beate Marie et sancto Johanni baptiste de Godestowe et eiusdem loci monialibus donationem antecessorum meorum scilicet viii s annuos quos consueverunt percipere et percipiunt pro decimis dominici mei de Rollendrith ut de cetero libere et quiete et pacifice percipiant dicte moniales dictos viii s annuos a dicto R fratre meo et suis successoribus imperpetuum Et ut hec confirmatio et antecessorum meorum donatio rata et inconcussa permaneat presenti scripto sigillum meum apposui Hiis testibus domino Radulpho dispensatore persona Ada dispensatore milite dominis Absolone Bernardo capellanis Gilberto de Byham Reolando Bluet Nicholao de Loges et multis aliis Data anno gratie MCCxxxiiii in vigilia sancti Andree apud Godestowe