Charter Document - 05450620
| Charter Number: | 05450620 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1234 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulphus dispensator rector ecclesie de Rollendrith bene recognosco et hac presenti carta mea confirmo deo et beate Marie et sancto Johanni baptiste de Godestowe et monialibus ibidem deo servientibus viii s redditus quos a me percipiunt et ab antecessoribus meis de ecclesia de Rolendrith quolibet anno percipere consueverunt nomine firme videlicet pro decimis dominici domini Turstani dispensatoris domini regis Angl unde ego Radulphus permitto in bona fide me soluturum deo et beate Marie et sancto Johanni baptiste de Godestowe et eiusdem loci monialibus dictos viii s annuos ad festum sancti Michaelis sine aliqua detentione et contradictione sicut predecessores mei persolverunt Et ut hec mea recognitio et solutio rata et inconcussa permaneat presenti scripto sigillum meum apposui Hiis testibus domino Turstano domini regis dispensatore Ada dispensatore milite domino Silvestro tunc magistro capellano de Godestowe dominis Absolone et Bernardo ibidem capellanis magistro Gilberto de Byham Rolando Bluet Nicholao de Loges Reginaldo tunc senescallo de Godestowe Roberto Race clerico et aliis