Charter Document - 05450618
| Charter Number: | 05450618 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1250 - 1275 |
| Date type: | Assigned |
| Resource Link(s): |
|
Charter:
Hec est conventio facta inter abbatissam de Godestowe et conventum eiusdem loci ex una parte et dominum Simonem de Nethercote ex altera parte videlicet quod predicta abbatissa debet se retrahere de loquela sua quam habuit versus dictum Simonem coram justiciariis domini regis apud Westm ita quod predictus Simon sit absque dampnis Pro hac vero retractione dictus Simon et heredes sui predictam abbatissam et conventum de Godestowe de servitio quod Robertus le Brus et Petrus de Asrugge ab eisdem exigunt in villa de Parva Rysyndon sicut medii inter eos imperpetuum acquietabunt secundum quod carte antecessorum suorum testantur Et si ita contingat quod predictus Symon vel heredes sui predictum servitium possint quassare abbatissa et conventus dimidietatem custi illorum persolvent In cuius rei testimonium partes huic scripto alternatim signa sua apposuerunt Hiis testibus magister Johanne de Pecco Roberto Gerad et aliis