Charter Document - 05450616
| Charter Number: | 05450616 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1217 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Slouhtre dedi et concessi et hac presenti carta mea confirmavi deo et beate Marie et beato Johanni baptiste de Godestowe et monialibus ibidem deo servientibus et servituris inperpetuum unum mesuagium cum pertinentiis suis quod Robertus Garland de me tenuit in villa de Rysyndon et sex solidatas redditus singulis annis solvendis quas consuevi percipere de Roberto de Marisco ad duos terminos scilicet ad festum sancti Michaelis iii s et ad pascha iii pro una virgata terre cum pertinentiis quam de me tenuit ad vitam suam in villa de Rysindon de feodo H de Teyden que virgata terre spectat ad predictum mesuagium quod predictus Robertus Garlond de me tenuit ita videlicet quod predicta virgata terre cum pertinentiis post decessum predicti Roberti de Marisco dictis monialibus de Godestowe in proprios usus integre et plenarie imperpetuum remaneat habendum et tenendum dictis monialibus vel earum assignatis de me et heredibus meis bene et in pace libere et quiete pacifice honorifice et integre in bosco in plano in viis in semitis in pascuis et pasturis et in omnibus locis cum omnibus libertatibus et liberis consuetudinibus ad dictam terram pertinentibus reddendo inde annuatim unam libram piperis michi et heredibus meis ad festum sancti Thome apostoli pro omni servitio exactione secta consuetudine et demanda ad me vel ad heredes meos pertinente salvo servitio domini regis quantum ad tantam pertinet Ego vero Robertus de Sloutre et heredes mei predictum mesuagium cum pertinentiis et dictos vi s redditus quamdiu Robertus de Marisco vixerit et post obitum eiusdem dictam virgatam terre cum omnibus pertinentiis suis in proprios usus dictis monialibus vel earum assignatis contra omnes homines et feminas warantizabimus et defendemus Pro hac autem donatione et concessione et confirmatione et warantizatione predicte moniales de Godestow dederunt michi ix marcas argenti in gersumam et Sibille uxori mee dimidiam marcam Et ut hec mea donatio concessio et confirmatio et warantizatio perpetue stabilitatis robur optineant presentem cartam sigilli mei inpressione corroboravi Hiis testibus []