Charter Document - 05450612
| Charter Number: | 05450612 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1167 - 1201 |
| Date type: | Assigned |
| Resource Link(s): |
|
Charter:
Notum sit tam futuris quam presentibus quod ego Robertus de Teydea concessu uxoris mee Agathe et heredum meorum Henrici et Warini et Rodberti de Dodewella generi mei concessi et dedi in perpetuam elemosinam ecclesie dei et sancte Marie et sancti Johannis Baptiste de Godestowe et sanctimonialibus ibidem deo servientibus pro salute anime mee et uxoris mee et heredum meorum et omnium predecessorum meorum dimidiam hidam terre et dimidiam virgatam in Rysyndona absque croftis pro quibus ego dedi de dominico meo ad duplum solutum et liberum et quietum ab omni seculari servitio et omnibus exactionibus in agro et prato et pasturis ita quod animalia sanctimonialium scilicet boves et oves et porci in pasturis meis et in aliis locis communitatem habeant cum meis absque omni calumpnia Istam donationem fecimus ecclesie de Godestowe et presentavimus super altarem ita quod maledictionem dei incurrant quicumque hoc datum diminuerint Confirmavimus etiam presenti capitula donationem nostram Hiis testibus Reginaldo capellano de Abendon et Theod Thom clerico