Charter Document - 05450611
| Charter Number: | 05450611 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 |
| Date type: | Internal, A.D. |
| Resource Link(s): |
|
Charter:
Omnibus Christi fidelibus ad quos presens scriptum pervenerit Poncius de Pontibus rector ecclesie beati Petri ad portam orientalem Oxon salutem in domino Noverit universitas vestra me nomine dicte ecclesie mee ratum et gratum habiturum quicquid venerabiles viri magister Rogerus de Weseham archidiaconus Oxon et magister Robertus de Cadeneye domini Linc officialis super controversia mota inter Robertum vicarium dicte ecclesie mee ex una parte et abbatissam et conventum de Godestowe ex altera super omnibus decimis de molendinis de pratis de nutrimentis animalium et sequelis servientium apud Wolgaricot cubantium et levantium provenientibus quas dictus Robertus vicarius petiit a dictis monialibus coram decano Herford et suis collegiis domini pape delegatis tanquam de iure communi spectantes ad dictam ecclesiam beati Petri ratione vicarie sue duxerint ordinandum ita cum quod venerabilis pater Robertus Linc episcopus de voluntate mea et consensu expresso ordinatione predictorum magistrorum super premissis facta plenius inspecta et diligenter intellecta plenam habeat potestatem ordinationis eiusdem mutande augende et minuende prout melius viderit expedire Et si uterque vel alter predictorum magistrorum ordinationi predicte faciende interesse non poterit infra festum sancti Michaelis proximo sequens eo non obstante quod dicte partes ordinatione predictorum magistrorum archidiaconi et officialis se supposuerint venerabilis pater Linc episcopus antedictus [] super omnibus premissis prout melius expedire viditur ordinationem quamdam faciet perpetuo duraturam Et ut hec mea ratificatio stabilis in posterum permaneat et firma presens scriptum sigilli mei munimine roborant predictis abbatisse et monialibus mera sponte mea duxi concedendum Hiis testibus magistro Roberto de Cadeneye domino Johanne de sancto Egidio domino Johanne de Dyham magistro Rogero de Rafnenigh magistro Rogero de Camped et Johanne de Crechal canonicis Linc magistro Symone constabulario magistro Ricardo Normanno Herberto capellano de Godestowe et Johanne de Wyke clerico de Godestowe domino Benedicto rectore ecclesie de Potton et aliis Acta apud vetus templi Lond anno gratie millesimo ducentesimo quadragesimo