Charter Document - 05450608

Omnibus Christi fidelibus ad quos presens scriptum pervenerit Robertus dei gratia Linc episcopus salutem in domino Noverit universitas vestra nos ordinationem factam per dilectos in Christo filios magistrum Robertum de Kadeneye officialem nostrum et magistrum Rogerum de Weseham archidiaconum Oxon super controversia mota inter Robertum vicarium ecclesie beati Petri ad orientem ex una parte et abbatissam et conventum de Godestowe ex altera inspexisse in hec verba Universis sancte matris ecclesie filiis presens scriptum inspecturis vel audituris magistri Robertus de Caden domini Linc officialis Rogerus de Weseh archidiaconus Oxon salutem in domino Litteras domini pape inspeximus sub hac forma [] Cum huius igitur auctoritate mandati dictus R vicarius abbatissam et conventum de Godestowe coram dictis judicibus traxisset in causam et eis edidisset sub hac forma petit dictus vicarius a dictis abbatissa et conventu decimas molendinorum suorum de Wolgaricot de jure communi pertinentes ad dictam ecclesiam cum sint infra limites parochie dicte ecclesie sancti Petri ad orientem Oxon Item petit decimas feni pratorum suorum existentium apud Wolgaricot pertinentes ad dictam ecclesiam cum sint infra limites parochie dicte ecclesie Item petit decimas de nutrimentis animalium suorum que pascuntur et cubant infra limites parochie sue Item petit ut servientes abbatisse et conventus de Godestowe qui apud Wolgaricot sunt cubantes et levantes cogantur apud Wolgaricote divina audire et ibidem jura parocialia solvere Hec dicit salvo sibi juris beneficia lite super hiis legitime contestata Et cum dictus R vicarius personaliter et dicte moniales per Herebertum capellanum suum specialiter procuratorem ad hoc datum in presentia domini Lincoln et nostra comparentes tactis sacrosanctis evangeliis jurassent quod starent provisioni nostre arbitrio et ordinatio super dictis decimis petitis et super omnibus causam illam contingentibus renunciantes dictis litteris et omnibus aliis impetratis actioni et impetrandis cavillationi exceptioni et appellationi et omni utriusque iuris remedio Et cum dicte moniales privilegia sua satis efficacia per que fuerint exempte a presentatione dictarum decimarum de nutrimentis animalium in presentia nostra exhiberent ac hoc nobis legitime constaret eisdem privilegiis in nostra audientia lectis recitatis intellectis earundem a prestatione dictarum decimarum de nutrimentis animalium absolvimus de reliquis autem dictis decimis scilicet pratorum molendinorum et de servientibus dictarum monialium apud Wolgaricote cubantibus et levantibus stipendia sua et victualia necessaria de domo de Godestowe recepientibus et exceptis uxores vel propria domicilia habentibus in villa de Wolgaricote Ordinando arbitrando providendo deum et equitatem habentes pre oculis communicato prudentum consilio decrevimus quod sine contentione pertineant ad ecclesiam de Godestowe et inperpetuum remaneant ita tamen quod salve sint ecclesie beati Petri omnes decime de vilenagio pratorum et pratellorum eiusdem ville in quarum possessione fuit tempore istius compositionis videlicet de toto Northmede cum decimis de hamma que aliquando data fuit dicte ecclesie sancti Petri nomine decimarum que vocatur Hertheshamme exceptis duabus hammis que sunt de dominico dicte abbatisse et conventus in dominico Northmede unde numquam fuerunt decime date et exceptis duabus acris que sunt similiter de dominico dicte abbatisse et conventus que spectant ad molendinum de Wolgaricot et exceptis caputiis de Mulecrophte Et quod ecclesia de Godestowe pro bono pacis inperpetuum obligetur ad solvendum iii s annuos vicario ecclesie beati Petri ad orientem Oxon ad festum sancti Martini in cappela de Wolgaricot Hanc autem ordinationem et promissionem nostram partibus decrevimus esse realem compositionem quam quidem partes necnon et Pontius de Pontibus tunc rector dicte ecclesie sancti Petri realem sibi esse compositionem inter dictas ecclesias inperpetuum valituram concesserunt et expresso consensu acceptaverunt si dictus Linc episcopus eam auctoritate episcopali confirmaverit Subiecerunt se etiam partes mera sponte sua ordinationi et voluntati venerabilis patris domini Linc episcopi ut ipse compositionis supradicte plenam habeat potestatem compellendi partem dictam compositionem observare volentem Et ut ista compositio realis permaneat et perpetua sigilla nostra una cum sigillis partium eidem compositioni cirographate huic inde apponi fecimus Valete in domino Acta apud Godestowe die sancti Barnabe apostoli anno gratie MCCxxxix Nos igitur eandem ordinationem ratam habentes quantum in nobis est eam auctoritate episcopali confirmavimus sicuti rite et iuste facta est