Charter Document - 05450607
| Charter Number: | 05450607 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 |
| Date type: | Internal, Regnal |
| Resource Link(s): |
|
Charter:
Sciant presentes et futuri quod ego Simon Balehorn intuitu dei et pro salute anime mee dedi concessi et hac carta mea confirmavi deo et ecclesie sancte Frideswyde Oxon et canonicis ibidem deo servientibus presentibus et futuris in liberam et perpetuam elemosinam omnes terras et redditus cum pertinentiis inferius nominatos scilicet duas acras que iacent in campo quod appellatur Braddemore iuxta terram abbatisse de Godestowe ex parte aquilonari et unam acram que appellatur Henedacre que iacet in campo de Braddemore et totam terram arrabilem que fuit Rogeri Waterman que iacet inter terram que fuit Semeri et Neudich de feodo abbatisse de Godestowe et totam terram quam Osmundus molendinarius tenuit de me que iacet inter terram Thome filii Walteri et terram Alexandri cementarii salvo feodo dicti Osmundi sibi et heredibus suis et decem buttos terre arrabilis qui iacent iuxta buttos qui fuerunt quondam Simonis Semer et tres acras quarum una extendit se usque ad capitalem acram que vocatur Henedacre et due acre [que] se extendunt in capitalem acram predictam que fuerunt de feodo Hastil Marchaunt et duos buttos qui iacent retro aulam domini regis cum edificiis superedificatis et dimidiam acram ibidem cum dimidio edificio habenda et tenenda libere et quiete pacifice et integre sibi et successoribus suis sive suis assignatis reddendo pro dictis tenementis servitia que in cartis donatorum quas de dictis [tenementis] habui et eisdem assignatis liberavi plenius continentur Et ego Simon et heredes mei [et] omnia predicta tenementa cum pertinentiis suis predictis canonicis contra omnes homines et feminas warantizabimus imperpetuum Et hanc donationem et warantizatione feci dictis canonicis anno regni regis Henrici filii regis Johannis vicesimo quinto mense Aprili Hiis testibus []