Charter Document - 05450600
| Charter Number: | 05450600 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1249 - 1258 |
| Date type: | Assigned |
| Resource Link(s): |
|
Charter:
Sciant presentes et futuri quod nos Robertus prior et conventus sancte Frideswyde Oxon pro nobis et successoribus nostris concessimus dedimus et hac presenti carta nostra confirmavimus ecclesie de Godestowe et Emme abbatisse et eiusdem loci conventui totam terram nostram arabilem cum omnibus pertinentiis suis quam habuimus ex dono quondam Simonis Balehorne ex portam aquilonarem Oxon in campis de Walton et de Bello Monte sicut in cartis quas inde nobis fecit plenius distinguitur Concessimus etiam eidem abbatisse et conventui et ecclesie sue predicte totam terram cum omnibus pertinentiis suis quam habuimus de dono Dionisie Burwolde in campis supranominatis secundum tenorem carte sue quam inde nobis fecit in excambium terre dictarum abbatisse et conventus de Godestowe quam habuerunt et tenuerunt extra portam orientalem in parochia sancte Clementis salvo eis itinere versus molendinum suum de Boymylle sicut illud melius et liberius aliquo tempore habuerunt Defectum vero terre ex parte nostra supplevimus eis plenarius in cultura illa que propinquior est ville de Wolverecote et vocatur Wolwardeswelle salva nobis decima inde proveniente Quare volumus quod ecclesia de Godestowe et abbatissa et conventus eiusdem loci habeant et teneant imperpetuum predictas terras cum omnibus pertinentiis suis aisiamentis pasturis et communia cum omnibus libertatibus quantum ad dictas terras pertinet et nos contingit in excambium terre sue sicut supradictum est Et nos predicti prior et conventus et ecclesia nostra predictas terras cum omnibus pertinentiis suis predictis abbatisse et conventui et ecclesie sue warantizabimus inperpetuum defendemus et acquietabimus versus omnes homines ab omnibus servitiis secularibus sectis hundredi et curii ne occasione predictarum terrarum dampnum gravamen aut molestiam incurrant Et se aliquo tempore contigerit quod pro warantizatione predictarum terrarum nostrarum oporteat fieri aliquod excambium in supradicta cultura totaliter complebitur per extentionem virorum fidedignorum hinc inde electorum Et ut hec omnia futuris temporibus firmitatis robur optineant scriptis hinc inde confectis sigilla apposuimus Teste toto conventu