Charter Document - 05450598
| Charter Number: | 05450598 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1286 |
| Date type: | Internal, A.D., Feast, Regnal |
| Resource Link(s): |
Bodleian Library - Christ Church MS. 340 (p319) |
Charter:
Noverint universis hoc presens scriptum inspecturi quod ad festum omnium sanctorum anno domini MCC octogesimo sexto et anno regni Edwardi quarto decimo ita convenit inter fratrem Robertum de Ewelme tunc priore domus beate Frideswyde Oxon et eiusdem loci conventum ex una parte et Mabiliam Wafre tunc abbatissam de Godestowe et eiusdem loci conventum ex altera videlicet quod dictus Robertus prior et conventus predicte domus sancte Frideswyde dimiserunt concesserunt et quiete clamaverunt pro se et successoribus suis ut in escambium inperpetuum predictis abbatisse de Godestowe et conventui eiusdem et eorum successorum omnes redditus quos predicta abbatissa et conventus solvere consueverunt predictis priori et conventui beate Frideswyde annuatim ad festum beate Marie in Marcio et ad festum beati Michaelis per equales portiones pro omnibus tenementis suis infra villam Oxon vel extra videlicet de domo quondam Stephani Bisshop que vocatur Shiphalle in parochia beate Frideswyde ii solidos de domo Hugonis le Paum in parochia sancti Michaelis australis ii solidos de selda Hugonis le Paumer in allutaria in parochia beati Michaelis borealis x solidos et iii denarios de domo quondam Bisshop in parochia beati Johannis baptiste que vocatur Elmenehalle ii solidos exceptis iiii solidos annuatim recipiendis predictis priori et conventui beati Frideswyde et eorum successoribus inperpetuum de duobus tenementis in Oxon videlicet de selda que quondam fuit Hugonis le Paum in allutaria xxi denarios ad duos anni terminos scilicet ad festum beate Marie et ad festum beati Michaelis per equales portiones et de tenemento quod quondam tenuit Adam de Spaldinges in parochia beate Frideswide ii solidos et iii denarios ad eosdem terminos per equales portiones Consimili modo predicta abbatissa de Godestowe et eiusdem loci conventus pro se et suis successoribus dimiserunt concesserunt et omnino quiete clamaverunt inperpetuum ut in escambium predictis priori et conventui beate Frideswide et eorum successoribus vi solidos et viii denarios quos Johannes Payn de Knytetone predicte abbatisse de Godestowe et eiusdem conventui annuatim solvere consuevit et xviii denarios quos ballivi extra portam borealem Oxon recipere consueverunt pro terra que quondam fuit Dionisie Borewald per annum ad festum beate Marie in Marcio et vi denarios quos dicti ballivi solebant recipere per annum ad eundem terminum pro Hevedakre et vii denarios quos dicti ballivi recipere consueverunt per annum ad eundem terminum pro buttes et ii solidos vii denarios quos dicti ballivi recipere consueverunt per annum ad festum beati Michaelis pro terra Dionisie Borewalde et Hevedakre et viii denarios quos heredes Henrici pistore per annum solebant recipere ad festum beati Petri ad vincula pro terris in Bello Monte et xviii denarios et duas gallinas vel iii denarios quos heredes Willelmi Cudding solebant recipere per annum ad festum beate Marie et ad festum beati Michaelis per equales portiones pro terris in Bello Monte et de area quondam Serle le boltere in parochia beati Petri orientalis ii solidos ad eosdem terminos Et ut hec omnia firma et stabilia inperpetuum permaneant huic presenti scripto in modum cyrograffi confecto partes sigilla sua communia alternatim apposuerunt Hiis testibus Philippo de Eu tunc maiore Oxon Radulpho le plomer et Henrico de Gamage tunc ballivis eiusdem Henrico Owayn Johanne de Ew Johanne Sewy Paulino de Cridinton et aliis