Charter Document - 05450596
| Charter Number: | 05450596 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1245 |
| Date type: | Assigned |
| Resource Link(s): |
|
Charter:
Sciant presentes et futuri quod ego Stephanus filius Warini molendinarii Oxon dedi et concessi et hac mea presenti carta confirmavi pro me et pro heredibus meis inperpetuum deo et beate Marie et monasterio beati Johannis baptiste de Godestowe et monialibus ibidem deo servientibus et inperpetuum servituris pro salute anime mee et pro animabus patris et matris mee necnon et Matildis uxoris mee omnes terras quas iure hereditario habui et possedi in villa Oxon cum omnibus pertinentiis suis videlicet totam terram illam quam pater meus emit de Ada filio Ricardi aurifabri que jacet inter placeam domini regis et terram que aliquando fuit Willelmi Cusseblancpayn et dicta terra mea extendit se in profundum usque ad terram que fuit aliquando Thome filii Ailrich et usque ad terram que fuit aliquando Roberti de Porcestre de retro terram que fuit aliquando Willelmi Cusseblancpayn que est in parochia sancte Frideswith item totam terram quam tenui de priore sancte Frideswyth que est in vico sancti Johannis Oxon que jacet inter terram quam Albertus aliquando tenuit et terram quam Willelmus aquarius aliquando tenuit item totam terram quam tenui et possedi de Ricardo Rasy et Gunnilda uxore sua videlicet que jacet inter terram que aliquando fuit Ade de Chinnore et terram quam pater meus aliquando emit de Ada filio Ricardi aurifabri tenendas et habendas inperpetuum dictis monialibus in dicto monasterio servientibus et servituris cum omnibus pertinentiis in liberam et perpetuam elemosinam faciendo tamen inde annuatim capitalibus dominis feodorum illorum servitium sibi exinde debitum et consuetum secundum tenorem cartarum quas pater meus habuit exinde et reddendo inde annuatim michi vel heredibus meis i d argenti ad pascha pro omni servitio et exactione et demanda Ego vero dictus Stephanus et heredes mei warantizabimus predictis monialibus et earum successoribus inperpetuum omnes predictas terras et tenementa cum omnibus pertinentiis suis contra omnes homines mares et feminas Et pro hac concessione et confirmatione et warantizatione predicte moniales dederunt michi ad magnum negotium meum videlicet ad acquietandum me de judaismo et alibi ubi indebitatus fui x marcas argenti in gersumma et insuper concesserunt michi et uxori mee Matildi cum una ancilla nobis servitura quamdiu vixerimus duo corrodia duarum monialium et corrodium unius ancille ad sustentationem nostram Ut igitur hec me donatio et concessio et confirmatio et warantizatio firme et stabiles inperpetuum permaneant hoc presens scriptum sigilli impressione roboravi Hiis testibus Philippo molendinario Galfrido de de Stokwell Petro filio Toroldi tunc maiore Oxon Laurentio With et Hugone Fauve tunc prepositis Oxon Henrico filio Henrici filii Simeonis Adam Feteplace Philippo Pady Johanne Halegod Willelmo de Mildecumbe clerico et aliis