Charter Document - 05450594
| Charter Number: | 05450594 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1270 - 1271 |
| Date type: | Internal, Regnal |
| Resource Link(s): |
|
Charter:
Memorandum quod cum anno regni regis Henrici filii regis Johannis quinquagesimo quinto mota esset contentio inter religiosas dominas abbatissam et conventum de Godestowe ex parte una et Fulconem le cordewanere Oxon ex altera coram ballivis domini Bononis de Clare rectoris ecclesie sancte crucis Oxon super quodam redditu viii d de tenemento dicti Fulconis quod de predictis abbatissa et conventu tenet dicto domino Bononi et eiusdem successoribus solvendorum quod tenementum jacet inter domum que fuit Rogeri Scrapitoft ex parte una et tenementum dicti Fulconis ex altera in Halewell Instantibus communibus amicis lis convenit sub hac forma videlicet quod idem Fulco et heredes sui vel sui assignati solvent predictis religiosis dominabus et successoribus earundem singulis annis iiii s et iiii d argenti ad quatuor anni terminos scilicet ad festum sancti Michaelis xiii d ad festum sancti Thome apostoli xiii d ad festum beate Marie in Marcio xiii d ad festum nativitatis sancti Johannis baptiste xiiii d pro omni consuetudine exactione et demanda Dicte autem abbatissa et conventus et successores earundem dictum Fulconem et heredes suos vel suos assignatos super prestatione dicti redditus viii d versus dictum rectorem et successores eiusdem conservabunt indempnis In cuius rei testimonium huic scripto per modum cirographi confecto alternatim partes sigilla sua apposuerunt videlicet parti penes religiosas dominas residenti dictus Fulco et parti penes dictum Fulconem residenti domina Ysolda tunc abbatissa de Godestowe Hiis testibus Waltero de Chaus tunc ballivo de Halewelle magistro Roberto Meynard tunc vicario sancte Marie Magdalene Galfrido le sauser Henrico le Mondu Waltero le Noreys Philippo de Merston Johanne le Kyng Johanne de Stanton Willelmo le cordewanere et aliis