Charter Document - 05450592
| Charter Number: | 05450592 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1295 - 1304 |
| Date type: | Assigned |
| Resource Link(s): |
|
Charter:
Notum sit omnibus hoc presens scriptum visuris vel audituris quod ego Alicia de Gorges abbatissa de Godestowe et eiusdem loci conventus concessimus et hoc presenti scripto nostro confirmavimus Roberto filio Johannis Kyng de Haliwelle et Matildi uxori eius et Matildi eorundem filie quamdiu vixerint unum croftum terre arabilis situm in parochia sancte crucis de Haliwelle in suburbio Oxon inter terram sancti Johannis iuxta molendinum de Haliwelle ex parte una et vicum qui vocatur Benseval ex altera habendum et tenendum predictum croftum prefatis Roberto Matildi et Matildi eorum filie quamdiu vixerint libere quiete bene et in pace reddendo inde annuatim capitali domino illius feodi servitium debitum et consuetum et nobis et successoribus nostris viii d argenti ad quatuor anni terminos principales et usuales pro equali portione Et ego predicta Alicia de Gorges et eiusdem loci conventus et successores nostri predictum croftum prenominatis Roberto Matilda uxori eius et eorundem filie Matildi contra omnes mortales warantizabimus et defendemus In cuius rei testimonium huic presenti scripto bipartito tam nos predicti abbatissa et conventus eiusdem loci ex parte nostra quam predicti Robertus Matilda uxor eius et Matilda filia eorundem ex part sua sigilla nostra alternatim apposuimus Hiis testibus Rogero de Balton Bricio de Leverton Willelmo Derling Ada de Grentesd Johanne de Radeclive et aliis