Charter Document - 05450589
| Charter Number: | 05450589 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1273 - 1274 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus filius Roberti de Sheveleswelle dedi concessi et hac presenti carta mea confirmavi Alexandro de Covele molendinario et Matildi uxori sue totam terram meam cum omnibus pertinentiis illam videlicet que est iuxta terram quondam Humfridi piscatoris a parte una et regalem viam a parte alia in parochia sancti Thome martiris in suburbio Oxonie que terra michi nomine patris mei hereditarie acciderat habendam et tenendam dictam terram cum omnibus pertinentiis suis de me et heredibus meis vel meis assignatis dictis Alexandro et Matildi uxori sue et eorum heredibus vel assignatis vel quibuscumque et quandocumque dare legare vendere vel assignare voluerint libere quiete bene et in pace inperpetuum reddendo inde annuatim domino abbati de Oseney vi s ad duos terminos videlicet ad festum sancti Michaelis iii s et ad festum beate Marie in Marcio iii s et michi et heredibus meis singulis annis ad nativitatem sancti Johannis baptiste unum clavem gariofili pro omni servitio seculari exactione et demanda Et ego vero prenominatus Walterus et heredes mei vel mei assignati dictam terram cum omnibus pertinentiis suis prenominatis Alexandro et Matildi uxori sue et heredibus suis sicut predictum est contra omnes mortales warantizabimus acquietabimus et defendemus inperpetuum Pro hac autem donatione concessione warantizatione et carte mee confirmatione dederunt michi predictus Alexander et Matildis uxor eius vi marcas et dimidiam sterlingorum premanibus in gersuma Et ut hec donatio et carte mee confirmatio rata et stabilis perseveret sine dolo huic presenti scripto sigillum meum apposui Hiis testibus Henrico Owain tunc temporis maiore Nicholao aurifabro Elya le coilter tunc ballivis Willelmo le medeward Willelmo de Suneshulle Ricardo de Suneshulle Galfrido piscatore Nicholao Cralbe et multis aliis