Charter Document - 05450588
| Charter Number: | 05450588 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1249 - 1255 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johanna filia Osberti Smarth Oxon in mea propria et libera viduitate dedi et concessie et hac presenti carta mea confirmavi Hugoni le Hore Oxon mascecrario quamdam partem illius terre mee quam predictus Osbertus pater meus michi dedit in liberum maritagium videlicet illam partem que est cooperta lapide cum omnibus pertinentiis suis que est inter partem meam illius terre et terram Thome filii Walteri in qua tunc mansit Willelmus de Wytteney in parochia sancti Thome martiris versus ripam Tamisie in suburbio Oxon habendum et tenendum predicto Hugoni et heredibus suis vel cuicumque vel quibuscumque dare vel vendere legare vel assignare voluerit sive in sanitate in egritudine infra religionem vel extra libere quiete integre pacifice ac honorifice inperpetuum reddendo inde annuatim priorisse de Littilmore vel eius attorniatori xii d ad quatuor terminos anni videlicet ad festum sancti Michaelis iii d et ad natale domini iii d et ad festum beate Marie in Marcio iii d et ad nativitatem sancti Johannis baptiste iii d et michi Johanne et heredibus meis i d ad festum sancti Michaelis pro servitio et exactione et demanda Et ego Johanna et heredes mei warantizabimus totam predictam partem terre prenominate predicto Hugoni et heredibus suis et suis assignatis contra omnes homines mares et feminas tam christianos quam iudeos inperpetuum Pro hac autem donatione concessione confirmatione et warantizatione dedit michi predictus Hugo premanibus ii marcas argenti in gersumma in meo magno negotio et unam robam de burneto de precio unius marce Et ut hec igitur mea donatio concessio confirmatio et warantizatio firme et stabiles inperpetuum permaneant hanc presentem cartam sigilli mei inpressione corroboravi Hiis testibus Adam Feteplace tunc maiore Oxon Adam filio Walteri Roberto Bonvaleth tunc ballivis Oxon Thoma filio Walteri Nicholao de Stokwell Waltero aurifabro de Hengseye Johanne Curcy Johanne textore Roberto Viel Archuch mascecrario Roberto Astel Willelmo de Witton Henrico ad Aquam Galfrido clerico et aliis