Charter Document - 05450583
| Charter Number: | 05450583 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1254 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Agnes relicta Johannis Halegod de Oxonia in mea ligea viduitate et potestate remisi concessi et quietum clamavi totum ius meum et clamium quod habui vel habere potui abbatisse et conventui de Godestowe nomine dotis in totum illud mesuagium cum edificiis et omnibus aliis suis pertinentiis iuxta cimiterium sancti Petri in ballio quam Johannes Halegod quondam vir meus tenuit ad firmam de predictis monialibus et totum jus meum et clamium quod habui vel habere potui in totum illud mesuagium cum pertinentiis suis quod jacet inter terram Willelmi de Kockesham ex una parte et terram Johannis Culverd ex altera in parochia sancti Egidii in suburbio Oxon habendum et tenendum pro me et heredibus meis inperpetuum ita scilicet quod ego predicta Agnes inposterum aliquam calumpniam in predictis duabus mesuagiis cum pertinentiis suis occasione alicuius iuris exigere non possim nec aliquo alio loco infra burgum et extra Pro hac autem remiscione mea et quieta clamantia dederunt michi predicte moniales xvi s et viii d premanibus In cuius rei testimonium presenti scripto sigillum meum apposui Hiis testibus Ada Feteplace tunc maiore Oxonie Nicholao de Kingeston Galfrido aurifabro Johanne de Coleshulle Ricardo filio Nicholai Ada de Middelton Johanne de Curlenton Henrico filio Milonis et aliis