Charter Document - 05450580
| Charter Number: | 05450580 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1256 - 1257 |
| Date type: | Assigned |
| Resource Link(s): |
|
Charter:
Hec est conventio facta inter Hugonem filium Ranulphi piscatoris Oxon ex una parte et Willelmum filium Roberti le Glosur ex altera parte videlicet quod predictus Hugo tradidit et dimisit predicto Willelmo duo mesuagia sua cum omnibus pertinentiis quorum unum cum pertinentiis suis iacent inter terram que fuit Godefridi de Hakeburn ex una parte et terram que fuit Henrici Ruffi ex altera parte in suburbio in parochia sancti Michaelis australis Oxon et alterum mesuagium cum pertinentiis jacet inter terram que fuit Roberti le Glosur ex una parte et terram Cristini cordewanarii ex altera parte in parochia sancte Frideswyde Oxon habenda et tenenda predicto Willelmo et heredibus suis de corpore suo procreatis libere quiete integre et pacifice in perpetuum reddendo inde annuatim capitalibus dominis predictorum feodorum debitum servitium et consuetum et predicto Hugoni et heredibus suis vel suis assignatis annuatim i d ad pascha pro omni servitio et exactione et demanda Et si predictus Willelmus moriatur sine herede de corpore suo statim post decessum predicti Willelmi predicta duo mesuagia cum omnibus pertinentiis solute quiete ac sine omni contradictione predicto Hugoni et heredibus suis revertantur et inperpetuum remaneant sicut continetur in cartis quas predictus Willelmus inde fecit predicto Hugoni Et predictus Hugo et heredes sui warantizabunt predicta duo mesuagia cum pertinentiis predicto Willelmo et heredibus suis de corpore suo provenientibus contra omnes homines mares et feminas inperpetuum ita quod predictus Willelmus predicta duo mesuagia cum pertinentiis in parte vel in toto non vendet nec invadiabit nec assignet alicui neque christiano neque iudeo nec in religione nec extra Ad hanc igitur conventionem fideliter et sine dolo tenendam utraque pars affidavit et huic presenti scripto in modum cyrographi confecto alternatim sigillum suum apposuit Hiis testibus Nicholao de Stokwell tunc maiore Oxon Johanne de Coleshulle Galfrido le mercer tunc prepositis Oxon Nicholao de Kyngeston Galfrido aurifabro Ricardo Wald Cristino cordewanario Thoma tinctore Willelmo de Farendon Thoma de Huntendon Ada de Dokelington Symone Plente Rogero de Derefeld Willelmo Sundelay Galfrido clerico et aliis