Charter Document - 05450579
| Charter Number: | 05450579 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1240 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Johannis tinctoris concessi dimisi et liberavi Roberto le Glosur et Margerie uxori sue illam terram meam cum pertinentiis que iacet inter terram Wilellmi filii Elye et terram predicti Roberti quam cepit antea in feodum de me extra portam australem Oxonie habendam et tenendam predicto Roberto et Margerie uxori sue et heredibus de predicto Roberto et de predicta Margeria venientibus vel cuicumque dictus Robertus et dicta Margeria dare vel vendere vel assignare dictam terram voluerint de me et heredibus meis in feodo et hereditate libere quiete et integre reddendo pro predicta terra [michi] et heredibus meis annuatim xii d ad duos anni terminos pro omni servitio scilicet ad pascha floridum vi d et ad festum sancti Michaelis vi d Et ego dictus Willelmus et heredes mei warantizabimus predictam terram cum pertinentiis predictis Roberto et Margerie et heredibus suis [de] predicto Roberto et de predicta Margeria venientibus vel cuicumque dictus Robertus et dicta Margeria dictam terram dare vel vendere vel assignare voluerit exceptis viris religiosis contra omnes homines et feminas Pro hac vero concessione dimissione liberatione et warantizatione predicti Robertus et Margeria dederunt michi xx s in gersumma Et ut hec predicta rata permaneant hanc presentem cartam sigillo meo confirmavi Hiis testibus Willelmo Crompe Johanne de Brohulle Ricardo de Dork Rand pist Roberto Fermi Waltero de Oseney Willelmo clerico Radulpho de Chilton et aliis