Charter Document - 05450571
| Charter Number: | 05450571 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1257 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Roberti le glosur Oxonie in mea ligea potestate dedi et concessi pro me et heredibus meis et hac presenti carta mea confirmavi Hugoni filio Ranulphi piscatori quoddam mesuagium meum cum pertinentiis pro servitio suo quod iacet inter terram que fuit Godefridi de Hakeburne ex una parte et terram que fuit Henrici Ruffi ex altera parte in suburbio in parochia sancti Michaelis australis Oxonie habendum et tenendum predicto Hugoni et heredibus suis vel suis assignatis de me et heredibus meis libere quiete integre et pacifice inperpetuum reddendo inde annuatim capitalibus dominis illius feodi debitum servitium et consuetum et assuetum et michi et heredibus meis i denario ad pascha pro omni servitio et exactione et demanda Et ego Willelmus et heredes mei warantizabimus acquietabimus et defendemus per predictum servitium predictum mesuagium cum omnibus pertinentiis predicto Hugoni et heredibus suis et suis assignatis contra omnes homines mares et feminas inperpetuum Et ut hec igitur mea donatio concessio confirmatio et warantizatio acquietatio et defensio firme et stabiles sine dolo inperpetuum permaneant hanc presentem cartam sigilli mei impressione corroboravi Hiis testibus Nicholao de Stokwell tunc maiore Oxonie Johanne de Coleshull Galfrido le mercer tunc prepositis Oxonie Nicholao de Kyngeston Galfrido auri fabro Thome le spicer Johanne Curcy Johanne Pady Galfrido spicer Thome tingtore Johanne textore Willelmo de Farendon Thome koco Waltero textore Galfrido clerico et aliis