Charter Document - 05450567
| Charter Number: | 05450567 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1230 |
| Date type: | Internal, Regnal, Feast |
| Resource Link(s): |
|
Charter:
Sciant presentes et futuri quod ego Walterus filius Willelmi Coillun debeo Willelmo Perle Oxon xx s sterlingorum reddendos ad festum omnium sanctorum anno regni regis Henrici filii regis Johannis quintodecimo et si tunc eidem Willelmo vel heredibus suis vel suis assignatis dictos xx s non reddidero vel satisfecero tota terra mea cum pertinentiis que iacet inter terram que fuit Johannis Borewold et terram que fuit Alicie que fuit uxor Hugonis de Eton in parochia sancte Mildrede virginis Oxon eidem Willelmo et heredibus suis et suis assignatis inperpetuum remaneat pro viii marcas et dimidia quas michi dabit in gersumma habenda et tenenda libere et quiete plene et integre pacifice et honorifice reddendo inde michi et heredibus meis annuatim ii s ad duos anni terminos scilicet ad pascha xii d et ad festum sancti Michaelis xii d et capitali domino feodi annuatim xviii d ad festum sancti Michaelis pro omni servitio et demanda Et ego et heredes mei warantizabimus dicto Willelmo et heredibus suis et suis assignatis si ita contigerit totam terram cum pertinentiis contra omnes homines Si autem dictos xx s prenominato termino omnium sanctorum eidem Willelmo vel suis assignatis solvero vel de eisdem satisfecero presens scriptum michi sine contradictione reddatur et predicta terra in manu eiusdem Willelmi sit usque ad finem decem annorum qui continetur in cyrographo quod conficitur inter nos sicut cyrographa testantur Et ne ista oblivioni tradantur presenti scripto sigillum meum apposui Hiis testibus Petro filio Toroldi tunc maiore Oxon Pentecost et Henrico tunc prepositis Oxon Roberto Oeyer Philippo molendinario Henrico filio Henrici Ricardo filio Henrici Waltero de Bello Monte Augustino Justise Gileberto cissore Gaufrido Trutun Willelmo de Mildecumbe clerico et aliis