Charter Document - 05450566
| Charter Number: | 05450566 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1318 |
| Date type: | Internal, A.D., Feast |
| Resource Link(s): |
|
Charter:
Hec est conventio facta inter religiosas mulieres dominam Margeriam Dyne permissione divina abbatissam de Godestowe et eiusdem loci conventum ex parte una et rectorem et scolares de Stapeldone Halle Oxon ex altera videlicet quod predicta abbatissa et conventus concesserunt et tradiderunt pro se et suis successoribus ad feodi firmam imperpetuum predictis rectori et scolaribus unum tenementum cum curtilagio adiacente cum omnibus suis pertinentiis in villa Oxon quod situatur inter tenementum predictorum rectoris et scolarium [quod] quondam fuit magistri Petri de Skelton ex parte occidentali et tenementum quod fuit Thome de Hengseye in parochia sancte Mildrede versus muros ville ex parte orientali habendum et tenendum dictum tenementum et curtilagium cum omnibus suis pertinenentiis predictis rectori et scolaribus et eorum successoribus de predictis mulieribus religiosis et earum successoribus libere bene et in pace imperpetuum reddendo inde annuatim predictis religiosis mulieribus et earum successoribus xii s bone et legalis monete ad duos anni terminos per equales portiones videlicet ad festum sancti Michaelis archangeli vi s et ad festum beate Marie in Marcio vi s pro omnibus servitiis Et predicta abbatissa et conventus et earum successores predictum tenementum et curtilagium cum suis pertinentiis predictis rectori et scolaribus et eorum successoribus contra omnes mortales warantizabunt et defendent imperpetuum Licebit etiam predictis religiosis mulieribus et earum successoribus per se vel per earum procuratorem seu attornatum pro arreragiis dicti redditus si que fuerint predictum tenementum cum omnibus suis pertinentiis si necesse fuerit ingredi ac etiam in duobus tenementis predictorum rectoris et scolarium in quorumcumque manus devenerint et ibidem distringere et districtiones retinere quousque de arreragiis predicti redditus predictis religiosis mulieribus plenarie fuerit satisfactum Quorum predictorum tenementorum unum vocatur le Herthalle quod situm est inter tenementum universitatis Oxon dictum le Blakehalle ex parte occidentali et tenementum priorisse et conventus de Stodeleye quod vocatur le Scheldehalle ex parte orientali in parochia sancti Petri in oriente Aliud vero tenementum edificatur in eadem parochia dictum le Arturhalle inter tenementum abbatisse et conventus Oseneye ex parte orientali et tenementum Ade de Spaldhek ex parte occidentali In cuius rei testimonium huic scripto indentato partes altrinseco sigilla sua apposuerunt Hiis testibus Willelmo de Burcestr tunc maiore Oxon Ricardo Kary Gilberto de Grenstede tunc ballivis eiusdem ville Johanne de Dokelynton Henrico de Lynne Johanne de Hampton et aliis Data apud Godestowe in festo sancti Gregorii [anno] domini MCCC octavodecimo