Charter Document - 05450562

Sciant presentes et futuri quod ego Matildis que fui filia Willelmi Perle de Oxon in ligia viduitate mea dedi et concessi et hac presenti carta mea confirmavi pro me et heredibus meis inperpetuum deo et beate Marie et monasterio beati Johannis baptiste de Godestowe et monialibus ibidem deo servientibus et inperpetuum servituris pro salute anime mee et pro salute anime patris et matris mee et aliorum antecessorum meorum subscriptas terras quas iure hereditario habui et possedi in villa Oxon cum omnibus pertinentiis suis videlicet totam terram illam quam Willelmus pater meus emit de Waltero filio Willelmi Cuilun que iacet inter terram que fuit Johannis Borewald et terram que fuit Alicie que fuit uxor Hugonis de Eaton in parochia sancte Mildrede virginis Oxonie item totam terram illam quam predictus W pater meus emit de Sciencia que fuit uxor Thome Machonis in parochia sancte Frideswide virginis in Oxon tenendas et habendas inperpetuum dictis monialibus in dicto monasterio servientibus et servituris cum omnibus pertinentiis suis in liberam puram et perpetuam elemosinam faciendo tamen inde annuatim capitalibus dominis feoudorum servitium sibi exinde debitum et consuetum secundum tenorem cartarum quas pater meus habuit exinde et reddendo ecclesie sancte Mildrede virginis Oxon ii d annui redditus scilicet ad festum sancti Michaelis reddendo etiam michi et heredibus meis ii d argenti ad pascha pro omni servitio et exactione et demanda Et sciendum quod ego assignavi xx s de dicto tenemento in parochia sancte Fredeswyde specialiter ad pitantiam conventus de Godestowe die anniversarii mei singulis annis faciendam residuum autem totius redditus de eodem tenemento provenientis assignavi specialiter ad conquinam infirmitorii salvo tamen redditu capitalium dominorum et custo in eisdem domibus apponendo Assignavi etiam redditum dicti tenementi in parochia sancte Mildrede specialiter ad lineum pannum emendum ad opus conventus de Godestowe scilicet ad canusias salvo tamen redditu capitalium dominorum et custo in ipsis domibus apponendo Ego autem M et heredes mei warantizabimus predictis monialibus et earum successoribus inperpetuum omnes predictas terras et tenementa cum omnibus pertinentiis suis contra omnes homines mares et feminas Pro hac autem donatione concessione et confirmatione et warantizatione predicte moniales concesserunt michi partem omnium bonorum que futuris temporibus fient in dicta domo de Godestowe Ut igitur hec mea donatio concessio et confirmatio et warantizatio firme et stabiles inperpetuum permaneant hoc presens scriptum sigilli mei impressione roboravi Hiis testibus Ada Feteplace tunc maiore Oxon Henrico filio Symeonis Johanne de Coleshille et Nicholao de Kyngeston tunc prepositis Oxon Philippo molendinario Petro filio Toraldi Johanne Halegod Ada Cruste Thoma sub muro et Ada fratre eius Willelmo salsario Waltero de Oseney Rogero filio Milonis Willelmo le Rock Willelmo de Mildecumbe Godefrido cordubanario et multis aliis