Charter Document - 05450552
| Charter Number: | 05450552 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1373 |
| Date type: | Internal, Calendar, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit prior ecclesie Christi Cantuar et eiusdem loci conventus salutem in domino sempiternam Vestra noverit universitas quod cum custos et scolares collegii aule nostre Cantuar et eorum successores teneantur et obligentur religiosis mulieribus abbatisse et conventui de Godest et eorum successoribus in quodam annuo redditu xx s pro certis terris et tenementis de licentia domini regis de prefatis abbatissa et conventu eisdem custodi et scolaribus in Oxon adquisita ad certos terminos imperpetuum percipiendos prout in quibusdam indenturis inter eosdem inde confectis plenius continetur per quas predicte terre et tenementa prefatis custodi et scolaribus erant liberati volumus et concedimus pro nobis et successoribus nostris imperpetuum per presentes quod si dictus redditus xx s in parte vel in toto ad aliquem terminum per mensem a retro fuerit non solutus extunc bene licebit dicti abbatisse et conventui de Godestowe et eorum successoribus ac eorum procuratoribus qui pro tempore fuerit in dicto collegio cum suis pertinentiis et in omni parcello eiusdem ingredi ad districtiones capiendas et districtiones capere fugare et asportare et eas penes se retinere quousque de dicto redditu arreragiis dampnis et expensis plenarie eisdem fuerit saisfactum Et si contingat quod predicti abbatissa et conventus de Godestowe aut eorum successores sufficientem districtionem pro redditu predicto in dicto collegio cum suis pertinentiis capere non potuerit extunc bene licebit predictis abbatisse et conventui et eorum successoribus ac eorum attornatis in manerio nostro de Newynton cum pertinentiis in comitatu Oxon ad quorumcumque manus devenerit absque calumpnia seu inpedimento quibuscumque ingredi ad districtiones capiendas et districtiones capere et fugare et penes se retinere quousque de toto redditu predicto arreragiis dampnis et expensis eisdem plenarie fuerit satisfactum Data in domo nostra capitulari Cantuar sub sigillo nostro communi vicesimo die mensis Aprilis anno regni regis Edwardi tercii post conquestum quadragesimo septimo