Charter Document - 05450551
| Charter Number: | 05450551 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1373 |
| Date type: | Internal, A.D., Feast, Regnal |
| Resource Link(s): |
|
Charter:
Per istam indenturam sciant presentes et futuri quod nos Agnes de Stretelegh abbatissa de Godestowe et eiusdem loci conventus dedimus concessimus et hac presenti carta nostra confirmavimus custodi et scolaribus aule Cantuar in villa Oxon totam illam aulam nostram vocatam Shiphalle cum pertinentiis suis situatam in vico sancti Edwardi Oxon inter le Vynhalle ex parte boriali et predictam aulam Cant predictorum custodis et scolarum ex parte australi Dedimus etiam et concessimus eisdem custodi et scolaribus unam vacantem placeam nostram terre ibidem continentem in longitudine iiii xx pedes et in latitudine xii pedes iacentem inter le Vynhalle ex una parte et dictam aulam Cant ex altera parte unde unum caput predicte vacantis placee terre abbuttat usque ad murum unius camere de Shiphalle predicte et aliud caput abbuttat usque ad murum predictorum abbatisse et conventus que vocatur Spaldyngentr tenendam et habendam totam predictam aulam vocatam Shipalle cum omnibus ubique pertinentiis et commoditatibus suis una cum predicta vacante placea terre predictis custodi et scolaribus et successoribus suis qui pro tempore fuerunt custodis et scolarum predicte aule Cant libere quiete integre bene et in pace inperpetuum de capitalibus dominis feodi illius per servitia inde debita et consueta reddendo inde annuatim nobis et successoribus nostris vel assignatis nostris quibuscumque xx s legalis monete ad duos anni terminos videlicet incipiendo ad festum sancti Michaelis quo erit proxima ad annum post dictum terminum post datam presentium x s et ad festum annunciationis beate Marie in Marcio x s pro omnibus servitiis consuetudinibus exactionibus et secularibus demandis nobis et successoribus nostris spectantibus Et si contingat predictum redditum predictorum xx s per quindenam post aliquem terminum predictorum terminorum in parte vel in toto a retro existere predicti custos et scolares volunt et concedunt pro se et successoribus suis custodibus et scolaribus quo pro tempore fuerint quod ex tunc bene liceat predictis abbatisse et conventui et eorum sucessoribus in predictis aula vocata Shiphalle et in aula Cant predicta et in qualibet una parte cum dicta parcella terre et parcella earundem aularum et terre intrare pro districtionibus capiendis et omnimodas districtiones in eisdem inventas capere ferre abducere et penes se retinere sine contradictione predictorum custodis et scolarum vel aliorum quorumcumque quousque sibi de predicto redditu et arremissis et expensis si que fuerint plenarie fuerit satisfactum Et nos vero predicti abbatissa de Godestowe et eiusdem loci conventus et successores nostri totam predictam aulam vocata Shiphalle cum predicta vacante placea terre et cum omnibus aliis ubicumque pertinentiis et commoditatibus suis ut predictum est predictis custodi et scolaribus predicte aule Cant et successoribus suis custode et scolaribus qui pro tempore fuerint ibidem contra omnes gentes warantizabimus et inperpetuum defendemus In cuius rei testimonium tam predicti abbatissa et conventus de Godestowe quam predicti custos et scolares predicte aule Cant sigilla sua communia hiis indenturis alternatim apposuerunt Hiis testibus Johanne Hertwelle maiore ville Oxon Willelmo Codessale Willelmo Northurne Johanne Gybbes Johanne Norton et aliis Data Oxon die lune proxima post festum sancti Ambrosii episcopi et confessoris anno domini millesimo CCC septuagesimo tercio et anno regni regis Edwardi tercii post conquestum quadragesimo septimo