Charter Document - 05450549

Notum sit omnibus tam presentibus quam futuris quod ego Alexander de Eynesham concessi dimisi relaxavi et omnino quietum clamavi pro me et heredibus meis abbatisse de Godestowe et eiusdem loci conventui totum ius et clamium quod habui vel unquam aliquo modo habere potui in una area terre continente in longitudine quindecim pedes et in latitudine viginti sex pedes que iacet inter terram meam ex una parte et terram quondam Philippi Feteplace ex altera et unum capud se extendit super terram Thome de Sowy et aliud super terram dicte abbatisse habendam et tenendam dictam aream terre cum omnibus suis ubique pertinentiis prefatis abbatisse et eiusdem loci conventui et eorum successoribus libere et quiete bene et in pace inperpetuum ita videlicet quod nec ego Alexander nec heredes mei nec aliquis nomine meo nec nomine heredum meorum nec per me nec pro me nec pro heredibus meis aliquid ius vel clamium in predicta area terre vel in pertinentiis de cetero exigere clamare vel vendicare potero vel poterimus sed ab omnibus actionibus petitionibus et iuribus inperpetuum sim et simus exclusi Pro hac autem concessione dimissione relaxatione et quieta clamatione perdonaverunt abbatissa et conventus omnia arreragia mea de uno annua redditu v s quos annuatim ego et heredes mei vel mei assignati predictis abbatisse et conventui debemus persolvere pro tenemento meo quod deteneo usque ad diem confectionis presentium In cuius rei testimonium huic scripto quiete clamantia sigillum apposui Hiis testibus Roberto de Wormenhale tunc maiore Oxon Cristophoro filio Benedicti Philippo de Wormenhale tunc ballivis eiusdem ville Philippo de Ewe Johanne de Ew Thoma de Sowy Johanne Wyth Ricardo le spicer Johanne aurifabro Thoma de Hengseye Andrea Culverd Radulpho de Stokes et aliis Data Oxon die mercurii proxima ante festum sancti Gregorii pape anno regni regis Edwardi filii regis Henrici vicesimo septimo