Charter Document - 05450545
| Charter Number: | 05450545 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1329 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter Margeriam Dyne abbatissa de Godestowe et eiusdem loci conventus ex parte una et Thomam le marchal de Oxon et Ceciliam uxorem eius ex parte altera videlicet quod predicta abbatissa assensu dicti conventus tradidit et dimisit predictis Thome et Cecilie unam celdam cum pertinentiis in Oxon que sita est in parochia sancti Michaelis ad portam borialem Oxon in cordewaneria inter celdam Johannis de Staunton ex parte australi et celdam ipsius Thome ex parte boriali et sub solario ipsorum Thome et Cecilie habendam et tenendam eisdem Thome et Cecilie ad terminum quadraginta annorum proxima sequentium plenarie completorum post confectionem presentium reddendo inde annuatim predicte abbatisse et successoribus suis xii s et iii d ad quatuor anni terminos principales et de eadem celda pro eisdem priori sancte Fredeswide Oxon xx et i d et ballivis ville Oxon iiii s annuatim ad quem quidem redditum fideliter ut predicitur persolvendum dicti Thomas et Cecilia obligant se et celdam predictam et quinque celdas quas idem Thomas habet ex parte boriali eiusdem celde districtioni dictarum abbatisse et conventus ad quorumcumque manus devenerint ut possint in eisdem distringere quotienscumque dictus redditus a retro fuerit in parte vel in toto et districtionem retinere quousque de eodem eisdem religiosis vel ministris suis plenarie fuerit satisfactum Iidemque Thomas et Cecilia et eorum uterque toto tempore per quod dictam celdam tenere contingat sumptibus suis propriis sustentabunt Si vero de utrique Thomas et Cecilia infra terminum predictum humanitus contingat tunc statim post mortem eorum ultimi decedentis dicta celda ad easdem religiosas revertatur Et liceat eis et ministris suis eam ingredi absque inpedimento aut contradictione aliquali Et quia predicti Thomas et Cecilia dictam celdam nunc de novo sumptibus suis propriis construxerunt concedunt predicte religiose quod iidem Thomas et Cecilia sint quieti per tres annos proximos sequentes post datum confectionis presentium de predicto annuo redditu xii s et iii d quem eis concedunt allocare pro construccione predicta Et predicte religiose dictam celdam sic dimissam eisdem Thome et Cecilie versus omnes gentes warantizabunt et etiam preter quam de redditu predictorum prioris et ballivorum acquietabunt et defendent In cuius rei testimonium sigilla dictarum parcium hiis indentatis alternatim sunt appensa Data apud Godestowe die sabbati in festo sancti Michaelis anno regni regis Edwardi filii regis Edwardi tercio decimo