Charter Document - 05450544

Universis pateat per presentes quod cum placitum motum fuisset pre breve domini regis quod vocatur cessant per biennium inter religiosas mulieres abbatissam et conventum de Godestowe petentes ex parte una et Andream Culvard de Oxon et Aliciam uxorem eius tenentes ex altera de uno mesuagio cum pertinentiis in Oxon quod situm est in parochia sancti Michaelis ad portam borealem Oxon inter mesuagium predictorum Andree et Alicie ex una parte et tenementum Ricardi de Dadyngton ex altera parte ac eadem abbatissa illud mesuagium pro retentione redditus i marce sibi debite per iudicium curie domini regis versus eosdem Andree et Alicie recupasset et predicti Andreas et Alicia versus easdem religiosas assisam nove dissoysine detulissent et alias diversas actiones erga easdem attemptassent lites et omnimode actiones inter easdem partes conquieverunt in hunc modum videlicet quod domina Matillis de Upton abbatissa de Godestowe predicta et eius loci conventus concesserunt pro se et successoribus suis quod predicti Andreas et Alicia predicto iudicio non obstante possessionem suam continuent habeant et teneant totum predictum mesuagium sibi et heredibus suis in feodo et hereditate de predictis abbatissa et conventu et eorum successoribus inperpetuum sicut eas prius tenuerunt reddendo inde annuatim unam marcam argenti ad quatuor anni terminos videlicet ad festum nativitatis sancti Johannis baptiste xl d ad festum sancti Michaelis xl d ad festum sancti Thome apostoli xl d et ad festum annunciationis beate Marie virginis xl d Pro hac autem concessione idem Andreas obligat se et heredes suos ad solutionem dicti redditus eisdem terminis inperpetuum Preterea ad maiorem securitatem dictus Andreas obligat et submittit illud mesuagium cum pertinentiis quod idem Andreas habet de dono Alicie Dycon in parochia sancte Ebbe in Oxon simul cum predicto mesuagio sic eis liberato ad quorumcumque manus deveniat districtioni predicte abbatisse et successoribus et eorum ballivorum ut possint in illo mesuagio in parochia sancte Ebbe simul cum illo mesuagio in parochia sancti Michaelis distringere et districtiones retinere quousque de predicto redditu siquid a retro fuerit plenarie fuerit satisfactum Et predicta abbatissa et successores sue illud mesuagium cum pertinentiis prefatis Andree et Alicie et eorum heredibus contra omnes gentes warantizabunt et defendent pro redditu predicto Et pro hac concessione warantia et defentione dederunt predicti Andreas et Alicia prefatis abbatisse et conventui xl s sterlingorum premanibus In cuius rei testimonium parti huius scripti penes dictos Andre et Alicie remanenti sigillum conventuale predictorum abbatisse et conventus est appensum et relique parti eiusdem scripti penes prefatis abbatissam et conventum remanenti sigilla predictorum Andree et Alicie sunt appensa Data apud Oxon die sabbati in crastino annunciationis beate Marie virginis anno regni regis Edwardi filii regis Henrici tricesimo quarto Hiis testibus Ricardo le spicer tunc maiore Oxon Ricardo de Walden et Henrico de Lenne tunc ballivis eiusdem Thoma de Hengseye Andrea de Pyrye Roberto de Welles Thoma clerico et multis aliis