Charter Document - 05450540
| Charter Number: | 05450540 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1299 |
| Date type: | Assigned |
| Resource Link(s): |
|
Charter:
Sciant presentes et futuri quod ego Galfridus le saucer dedi et concessi et hac presenti carta mea confirmavi deo et beate Marie et ecclesie sancti Johannis baptiste et sanctis monialibus de Godestowe tres seldas sub solario Rogeri le sauser que iacent inter terram que fuit Galfridi Sturdi ex una parte et introitum domus dicti Rogeri le saucer ex altera in parochia beate Marie Magdalene extra portam borealem in suburbio Oxon una cum vi s annualis redditus annuatim percipiendum ad quatuor principales terminos anni de domo Ricardi Bodde cum omnibus pertinentiis suis que iacet inter domum Henrici Gamage ex una parte et domum que fuit Simon filii Benedicti ex altera in eadem parochia habendum et tenendum dictis monialibus et earum successoribus in puram et perpetuam elemosinam imperpetuum libere et quiete integre bene et in pace de dicto Galfrido et heredibus suis vel suis assignatis Et ut hec mea donatio concessio et confirmatio rata et stabilis permaneat inperpetuum hoc scriptum sigilli mei appositione coroboravi Hiis testibus Willelmo Hybernico tunc ballivo Waltero aurifabro Galfrido aurifabro Johanne le plomer Nicholao Arnebore Johanne Wyth Ada de Middelton Johanne de Curtlinton Henrico filio Milonis et multis aliis