Charter Document - 05450539

Omnibus Christi fidelibus ad quos presens scriptum pervenerit Mabilia abbatissa de Godestowe et eiusdem loci conventus salutem in domino sempiternam Noveritis nos unanimi assensu et consensu dedisse concessisse et hac presenti carta confirmasse deo et beate Marie et beato Cuthberto priori et conventui Dunolm et eorum successoribus vel suis assignatis quibuscumque totam terram nostram arabilem quam habuimus a quodam fossato extransverso in Bello Monte scilicet a terra Philippi de Ho burgensis Oxon usque ad terram que fuit Rogeri Memer in eadem cultura in suburbio de Oxon et unde tres acre iacent iuxta terram Walteri Bost ex parte aquilonali et una acra iacet ex parte australi terre dicti Walteri Bost et una acra iacet inter terram Thome le Sewys et terram dicti Rogeri Semer et unum caput totius terre predicte abuttat usque ad muros versus occidentem et aliud caput abuttat usque at viam regiam Belli Montis versus orientem simul cum vi denariatis annui redditus percipiendis de una acra terre Thome Le Sewys cum decimis eiusdem acre et decimis cuiusdam acre Walteri Bost in eadem cultura cum omnibus suis pertinentiis tam ad terram quam ad redditum et ad decimas pertinentibus Volumus etiam et concedimus eisdem priori et conventui predictis quod habeant quicquid iuris habuimus in areis vacantibus iuxta aulam periculosam in Horsmanger Strete habendis et tenendis eisdem priori et conventui Dunolm et successoribus suis [vel suis] assignatis quibuscumque de nobis et ecclesia nostra de Godestowe libere quiete integre bene et in pace inperpetuum cum omnibus libertatibus escaetis consuetudinibus decimis esiamentis cum libero ingressu et egressu et sectis curiarum et omnibus aliis rebus vel actionibus quocumque modo ad dictam terram redditum vel decimas spectantibus cum omnibus suis pertinentiis reddendo inde annuatim nobis et successoribus nostris vel assignatis nostris quibuscumque x s argenti ad duos anni terminos videlicet ad festum beate Marie in Martio v s argenti et ad festum beati Michaelis v s argenti pro omnibus servitiis consuetudinibus exactionibus sectis curiarum et secularibus demandis Et si contingat dictum priorem et conventum vel successores seu quoscumque assignatos suos ad terminos prenominatos in solutione dicti annui redditus quod absit deficere predictus prior et conventus concedunt pro se et successoribus suis et assignatis quibuscumque quod bene liceat predicte abbatisse et conventui de Godestowe et successoribus assignatis seu ministris suis quibuscumque omnia tenementa sua que habent vel habere poterunt in suburbio Oxon versus aquilonem a prenominato fossato extransverso Belli Montis usque ad Horsmanger Strete una et totam terram predictam intrare distringere et namiare de die in diem pro predictis x s annuis sine contradictione seu impedimento predicti prioris conventus successorus vel assignatorum suorum quorumcumque quousque dicte abbatisse et conventui de Godestowe successoribus vel assignatis suis quibuscumque de predicto redditu plenarie fuerit satisfactum Et nos predicta abbatissa et conventus de Godestowe et successores nostri totam predictam terram vi denariatos annui redditus et decimas duarum acrarum Walteri Boste et Thome Le Sewys cum omnibus suis pertinentiis sicut predictum est predicto priori et conventui Dunolm eorum et successoribus et assignatis suis quibuscumque contra omnes homines mares et feminas warantizabimus acquietabimus et defendemus pro predicto redditu x s inperpetuum Preterea ego sepedicta abbatissa et conventus de Godestowe pro nobis et successoribus nostris volumus et concedimus quod predictus prior et conventus et successores vel assignati sui quicumque quieti sint a prestatione omnium decimarum tam maiorum quam minorum in predicta terra inperpetuum Pro hac autem donatione concessione warantizatione aquietantia et defensione dederunt nobis dictus prior et conventus xx li sterlingorum premanibus In quorum omnium testimonium huic presenti scripto in modum cirographi confecto partes predicte sigilla sua alternatim apposuerunt Hiis testibus Philippo de Ho tunc temporis maiore Oxon Henrico Howayn Johanne de Ho Willelmo le specer Thoma Sewy Johanne Culverd Waltero Boste Roberto de Bracley et aliis multis