Charter Document - 05450536
| Charter Number: | 05450536 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1247 - 1248 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Gerardi et Henricus filius Galfridi de Brackele dedimus et concessimus et hac presenti carta nostra confirmavimus Galfrido Tritun quandam seldam de septem ulnis et dimidiam et quatuor pollicibus in longitudine et quinque ulnis et una quarta et duobus pollicibus in latitudine scitam sub solario quod quondam fuit Henrici Griffin scilicet illam seldam quod iacet inter terram que fuit Walteri Florence ex una parte et furnum eidem Walteri ex altera parte in parochia sancte Marie Magdalene extra portam aquilonarem in suburbio Oxon tenendam et habendam de nobis et heredibus nostris vel assignatis sibi et heredibus suis vel suis assignatis libere et quiete integre bene et in pace reddendo inde annuatim Willelmo de Halmulle vel heredibus suis vel assignatis i d scilicet ad natale pro omni servitio seculari et demanda salvo redditu domini capitalis xii d ad duos terminos anni scilicet ad festum sancte Marie in Marcio vi d et ad festum sancti Michaelis vi d Et ego predictis Willelmus et predictus Henricus et heredes nostri vel assignati predictam seldam cum pertinentiis predicto Galfrido et heredibus suis vel assignatis contra omnes homines mares et feminas warantizabimus Et propter istam donationem et concessionem predictus Galfridus dedit nobis xx et iiii s sterlingorum in gersuma Et [ut] nostra donatio et confirmatio rata et stabilis permaneat hoc scriptum sigillis nostris coroboravimus Hiis testibus Willelmo le sauser tunc ballivo Willelmo Cultell Johanne Choo Willelmo Burgeys Johanne marescallo de Westone et multis aliis