Charter Document - 05450533
| Charter Number: | 05450533 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1283 - 1294 |
| Date type: | Assigned |
| Resource Link(s): |
|
Charter:
Noverint universi hoc presens scriptum inspecturi quod ego Willelmus de Brackele et Alicia uxor mea unanimi consensu ac bona voluntate nostra dimisimus concessimus et omnino quietum clamavimus pro nobis et heredibus nostris Mabilie Wafre abbatisse de Godestowe et eiusdem loci conventui et successoribus suis totum ius et clamium quod habuimus vel aliquo modo habere potuimus in xii d annui redditus quos annuatim recipere consuevimus pro illo celario quod situata est in Horsmonggeresstrete inter introitum Johannis de Eynesham a parte occidentali et terram Walteri Feteplace a parte orientali in suburbio Oxon habendos et tenendos dictos xii d annui redditus predictis abbatisse et conventui et successoribus suis libere quiete bene et in pace inperpetuum ita quod nec nos dicti Willelmus et Alicia nec aliquis heredum nostrorum nec aliquis per nos vel pro nobis in dictis xii d annui redditus aliquid iuris vel clamii de cetero exigere poterimus Pro hac autem dimissione concessione et quieta clamatione dederunt nobis dicta abbatissa et conventus ii marcas sterlingorum premanibus In cuius rei testimonium huic scripto quiete clamationis sigilla nostra apposuimus Hiis testibus Roberto de Welles tunc ballivo hundredi extra portam borealem Oxon Waltero Bost Henrico filio Milonis Willelmo de Brampton Johanne de Wodeford Johanne de Eynesham Walclino de Erdinton et aliis