Charter Document - 05450530
| Charter Number: | 05450530 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1250 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus Semer remisi et quietum clamavi deo et ecclesie sancte Marie et sancti Johannis baptiste de Godestowe et sanctimonialibus ibidem deo servientibus pro me et heredibus meis vel meis assignatis totum ius et clamium quod habui vel habere potui in x et viii d annualis redditus cum pertinentiis de domo que sita est inter terram que fuit Hugonis de Meriton ex una parte et terram que fuit Rogeri Milonis ex altera in parochia sancte Marie Magdalene extra portam de Smithegate in vico de Bellomonte tenendum et habendum predictum messuagium cum suis edificiis et omnibus aliis pertinentiis suis predictis monialibus et earundem successoribus libere quiete pacifice et integre inperpetuum ita quod nec ego nec heredes mei seu mei assignati numquam inposterum aliquod [ius] vel clamium in predictis x et viii d annualis redditus de predicto mesuagio cum suis pertinentiis exigere poterimus inperpetuum Et quia volo quod hec mea quieta clamantia rata et inconcussa permaneat presens scriptum sigilli mei inpressione confirmavi Hiis testibus domino Willelmo vicario de Duninton tunc temporis custode de Godestowe Johanne Wyth de Oxon Willelmo de Yreys de Oxon Willelmo Crompe de Oxon Henrico sassario de Oxon Walkelino de Godestowe Henrico filio Milonis de Oxon et aliis