Charter Document - 05450529
| Charter Number: | 05450529 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus filius Rogeri Milonis Oxon dedi et concessi et hac presenti carta mea confirmavi abbatisse et conventui de Godestowe i marcam redditus argenti annuatim recipiendum per manum meam et heredum meorum ad duos terminos anni de uno mesuagio cum pertinentiis quod iacet inter terram Hugonis de Mertone ex una parte et terram que fuit Rogeri filii Milonis ex altera parte in parochia sancte Marie Magdalene extra portam de Smithegate in vico de Bellomonte videlicet ad festum omnium sanctorum dimidiam marcam et ad hockeday dimidiam marcam habendam et tenendam de me et heredibus imperpetuum libere et quiete integre bene et in pace reddendo inde annuatim michi et heredibus meis unum obolum ad pascha pro omni servitio consuetudine demanda Concessi etiam dictis abbatisse et monialibus liberam potestatem distringendi me et heredes meos per idem tenementum et alia tenementa mea in villa et suburbio Oxon ad dicte marce solutionem si necesse fuerit Pro hac autem donatione et concessione et carte mee confirmatione dederunt michi dicte abbatissa et moniales viii marcas argenti et dimidiam in gersuma Et ego predictus Henricus et heredes mei predictam marcam redditus argenti predicte abbatisse et conventui et eorum successoribus contra omnes homines mares et feminas warantizabimus Et ut hec mea donatio concessio et warantizatio rata et stabilis permaneat hoc scriptum sigilli mei appositione corroboravi Hiis testibus Willelmo le sauser Alano Dodeling Willelmo Hybern Galfrido Tritun Hosmundo molendinario Matheo le taylur Hugone de Merton Waltero le Moreys Alexandro piscatore et multis aliis