Charter Document - 05450528
| Charter Number: | 05450528 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1271 |
| Date type: | Internal, Regnal, Feast |
| Resource Link(s): |
|
Charter:
Omnibus Christi fidelibus presens scriptum visuris vel audituris Ricardus filius Hugonis parmentar salutem in domino Noverit universitas vestra me concessisse remisisse et quietum clamasse inperpetuum pro me et heredibus meis et assignatis meis Hugoni le Hore de Oxon et heredibus suis et assignatis totum ius meum et clamium quod habui vel habere potui in quadam selda cum stallo et celario et suis pertinentiis quam habui in Oxon quam seldam cum pertinentiis ego pecii de predicto Hugone per breve introitus coram domino Martino de Littelber justiciario domini regis tunc temporis et sociis suis habendam et tenendam dictam seldam cum pertinentiis prefato Hugoni et heredibus suis sive assignatis libere quiete bene et in pace inperpetuum Pro hac autem remissione concessione et quieta clamatione dedit michi predictus Hugo coram predicto domino Martino domini regis justiciario xvi s sterlingorum In cuius rei testimonium sigillum meum presenti scripto apposui Hiis testibus Willelmo de Pavyli Johanne filio Willelmi Johanne de Colleshulle Henrico Oeyn Galfrido aurifabro Ada filio Walteri Thoma Punchard Waltero le Criur et aliis Data apud Westm die veneris proxima ante festum sancti Luce evangeliste anno regni regis Henrici filii regis Johannis quinquagesimo quinto