Charter Document - 05450527
| Charter Number: | 05450527 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1275 - 1276 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo le Hore de Oxon dedi concessi et hac presenti carta mea confirmavi Marione filie mee pro servitio suo unum stabellum cum cellario subtus quod est inter domum que fuit Laurencii Bernard ex parte occidentali et Isoude Champeneis ex parte orientali in parochia omnium sanctorum Oxon habenda et tenenda de me et heredibus meis eidem Marione et heredibus suis vel quibuscumque et quandocumque dare vendere legare vel assignare voluerit libere et quiete bene et in pace inperpetuum reddendo inde annuatim michi et heredibus meis unam rosam ad festum nativitatis sancti Johannis baptiste et faciendo capitali domino illius feodi servitium debitum et consuetum pro omni servitio consuetudine et seculari demanda Et ego Hugo et heredes mei prefatum stabellum cum cellario et pertinentiis prefate Marione et heredibus suis vel quibuscumque et quandocumque dare vendere legare vel assignare voluerit contra omnes gentes warantizabimus et defendemus inperpetuum Et ut hec mea donatio concessio warantizatio et presentis carte mee confirmatio robur optineant firmitatis inperpetuum hec presens scriptum sigilli mei impressione roboravi Hiis testibus Nicholao de Kingeston tunc maiore Oxonie Galfrido aurifabro et Nicholao de Coleshulle tunc ballivis eiusdem ville Andrea de Derham Galfrido de Hengseye Waltero de Wytton Nicholao de Crekkelade Johanne de Asseburn Johanne clerico et aliis