Charter Document - 05450524
| Charter Number: | 05450524 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1245 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes Pady burgensis Oxon dedi et concessi et hac presenti carta mea confirmavi deo et beato Johanni baptiste de Godestowe et monialibus ibidem deo servientibus et inperpetuum servituris dimidiam marcam annualis redditus de domo mea que est in angulo cimiterii omnium sanctorum infra burgum Oxon videlicet de domo mea que sita est inter terram Ade Cruste ex utraque parte ad quatuor anni terminos percipiendam scilicet ad festum sancti Michaelis xx d et ad natale domini xx d et ad festum pasche xx d et ad nativitatis sancti Johannis baptiste xx d et volo quod predicta dimidia marca assignatur ad vesturam monialium predicti monasterii tenendum et habendum predictum redditum de me et heredibus meis vel meis assignatis dictis monialibus et earundem successoribus libere et quiete pacifice et integre ab omni seculari exactione et demanda et cuiuscumque curie sectam [in] puram et perpetuam elemosinam sicut aliqua elemosina liberius securius quiescius dari possit Et volo et plenam potestatem concedo dictis monialibus et earundem successoribus vel certis earundem attornatis distringendi me et heredes meos vel meos assignatos in predicto tenemento de die in diem si in aliquo termino dictis monialibus vel earundem successoribus seu certis assignatis de dicto redditu plenarie non fuerit satisfactum Et ego Johannes Pady et heredes mei vel mei assignati predictum redditum dictis monialibus et earundem successoribus vel suis assignatis contra omnes homines et feminas warantizabimus acquietabimus et defendemus inperpetuum Et ut hec mea donatio et concessio et presentis carte mee confirmatio perpetue stabilitatis robur optineat presenti scripto sigillum meum apposui Hiis testibus Ada Feteplace tunc maiore Oxonie Galfrido de Henkeseye Galfrido aurifabro Nicholao de Stocwelle Nicholao de Kyngeston Johanne de Coleshulle Ada de Sub Muro et multis aliis