Charter Document - 05450522
| Charter Number: | 05450522 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1188 - 1189 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris vel audituris Willelmus filius Petri de Karsinton salutem in domino Noverit universitas vestra me remicisse concessisse et omnino quietum clamasse inperpetuum pro me et heredibus meis vel meis assignatis deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris totum jus meum et clamium quod habui vel habere potui in illa selda que sita est inter tenementum quod fuit aliquando Galfridi de Hencseye ex parte una in parochia omnium sanctorum in villa Oxon et tenementum hospitalis sancti Johannis extra portam orientalem Oxon ex parte altera cum omnibus suis pertinentiis quam quidem seldam habui ex dono abbatisse et dictorum monialium de Godestowe habendam et tenendam totam predictam seldam cum omnibus suis pertinentibus predictis monialibus et eorundem successoribus libere quiete bene et in pace inperpetuum ita quod nec ego predictus Willelmus filius Petri de Karsinton nec heredes mei nec assignati mei [in] predicta selda aliquod ius vel clamium inposterum exigere seu vendicare possumus Pro hac autem remissione et quieta clamatione dederunt michi predicte moniales xii s premanibus in gersumma In cuius rei testimonium huic presenti scripto sigillum meum apposui Hiis testibus Willelmo appotecario tunc maiore Oxon Johanne Eu Philippo de Eu Henrico de Oweyn Nicholao aurifabro Thoma Sowy Johanne Culfrad et multis aliis