Charter Document - 05450521
| Charter Number: | 05450521 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1269 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus niger faber in parochia omnium sanctorum Oxon remisi et omnino quietum clamavi deo et ecclesie beate Marie et sancti Johannis baptiste de Godestowe et sanctimonialibus ibidem deo servientibus et inperpetuum servituris totum jus et clamium quod habui vel habere potui in illa selda quam tenui quondam de abbatissa et conventu de Godestowe in parochia omnium sanctorum Oxon que scita est ex opposito ecclesie omnium sanctorum Oxon ex parte australi inter terram hospitalis sancti Johannis Oxon extra portam orientalem ex parte una et terram Galfridi de Hencseye ex altera cum omnibus pertinentiis et aisiamentis habendam et tenendam pro me et heredibus meis vel meis assignatis imperpetuum ita videlicet quod ego predictus Robertus nec heredes mei vel mei assignati inposterum aliquod jus vel clamium in predicta selda cum omnibus suis pertinentiis occasione alicuius juris inde vendicare vel exigere non possumus Pro hac autem remissione mea et quieta clamantia dederunt michi predicte abbatisse et moniales de Godestowe xviii d premanibus In cuius rei testimonium presenti scripto sigillum meum apposui Hiis testibus Johanne de Coleshille tunc maiore Oxon Willelmo de Ho Willelmo le spicer Nicholao de Stocwell Philippo de Ho Roberto de Burencenstre pistore Waltero aurifabro et aliis