Charter Document - 05450509
| Charter Number: | 05450509 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1257 |
| Date type: | Assigned |
| Resource Link(s): |
|
Charter:
Sciant presentes et futuri quod ego Petrus filius Johannis Pille de Oxon dedi et concessi et hac presenti carta mea confirmavi Johanne sorori mee totam seldam illam cum pertinentiis suis que iacet inter terram Johannis Pady et terram que aliquando fuit Andree Alegod in parochia omnium sanctorum Oxon Preterea dedi et concessi et hac presenti carta mea confirmavi predicte Johanne totum ius meum et clamium quod habui vel habere potui in selda illa cum pertinentiis quam Robertus niger faber tenet que est iuxta portam Galfridi de Hengessey ex parte orientali ex opposito ecclesie omnium sanctorum Oxon habendum et tenendum sibi et heredibus suis vel suis assignatis quibuscumque voluerit dare vendere legare assignare sive in sanitate sive in egritudine libere quiete pacifice et integre reddendo inde annuatim capitalibus dominis illius feodi servitium debitum et consuetum et michi et heredibus meis unum par albarum cyrotecarum ad pascha pro omni servitio et exactione et demanda Et ego Petrus et heredes mei warantizabimus acquietabimus et defendemus predictas duas seldas cum pertinentiis predicte Johanne et heredibus suis vel suis assignatis ut predivisum est contra omnes homines mares et feminas per servitium predictum inperpetuum Pro hac autem donatione concessione warantizatione acquietantia et defensione dedit michi predicta Johanna i marcam argenti premanibus Ut igitur prescripta et predivisa firma et stabilia sine dolo permaneant inperpetuum huic presenti scripto sigillum meum apposui Hiis testibus Nicholao de Stocwell tunc maiore Oxon Johanne de Coleshull Gaufrido le mercer tunc prepositis Waltero aurifabro Galfrido aurifabro Nicholao de Kyngeston Ada Cruste Willelmo Pille Roberto de Hurencest Roberto clerico et aliis