Charter Document - 05450506
| Charter Number: | 05450506 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1196 |
| Date type: | Assigned |
| Resource Link(s): |
|
Charter:
Henricus Doili filius Henrici Doili constabularii Henrici regis secundi omnibus hominibus suis et amicis suis gallicis et anglicis tam presentibus quam futuris salutem Sciatis me concessisse et donasse Laurentio filio Johannis Kepeharm duas terra in villa Oxon que sunt de feodo meo scilicet terram Osberti Fader que est inter cimiterium sancte Mildrede et domum Edmundi sutoris et terram Henrici filii Aubrei que est in parochia sancti Budoci et tres terras extra villam Oxon que sunt de feodo meo scilicet terram Ricardi Rasi que est inter molendina que sunt de subcastello Oxon et pontem per quem itur apud Oseneiam et terram Hardingi peletarii que est inter terram Stephani de Hanton et terram Walteri de Wesbur et terram Walteri filii Vitelli que est inter terram Leswini de Fossa et terram Johannis medici de Brecchun illi et heredibus suis tenendas de me et heredibus meis firmiter et stabiliter in feodo et hereditate libere et quiete et honorifice reddendo inde singulis annis xii d duobus terminis anni pro omni servitio scilicet vi d ad festum sancte Marie in Marcio et vi d ad festum sancti Michaelis propter homagium suum et propter servitium suum et propter iiii li argenti quas predictus Laurentius dedit michi de recognitione Et ut hec mea concessio et hec mea donatio predicto Laurentio et heredibus suis de me et heredibus meis sit perpetua et stabilis ego cartam istam sigillo meo confirmavi Hiis testibus Radulpho de Chamet Roberto Daumauri Roberto filio Radulphi Willelmo filio Radulphi Rogero filio Willelmi Willelmo Bainel Henrico filio Simonis Thoma filio Henrici Radulpho Kepeharm Roberto Kepeharm Ade Ruffo