Charter Document - 05450500
| Charter Number: | 05450500 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1369 |
| Date type: | Internal, Feast, Regnal |
| Resource Link(s): |
|
Charter:
Hec indentura facta inter Agnetem abbatissam de Godestowe et eiusdem loci conventus ex parte una et Nicholaum Garland Julianam uxorem eius et Henricum Bilborgh ex altera testatur quod predicti abbatissa et conventus unanimi assensu et concensu concesserunt dimiserunt et tradiderunt predictis Nicholao Juliane et Henrico unum gardinum in Oxon in parochia beate Marie virginis situatum inter tenementum abbatis et conventus de Oseneye ex parte boriali et occidentali et tenementum hospitalis sancti Johannis ex parte australi et cimiterium ecclesie beate Marie predicte ex parte orientali habendum et tenendum predictum gardinum cum libere ingressu et egressu per quoddam hostium iuxta tenementum predictum hospitalis sancti Johannis et cum omnibus aliis pertinentiis predictis Nicholao Juliane et Henrico ad terminum vite eorum et unius eorum diucius viventis de capitalibus dominis feodi illius per servitium inde debitum et de iure consueta reddendo inde annuatim predictis abbatisse et conventui et eorum successoribus sive eorundem procuratoribus vi s et viii d ad quatuor anni terminos principales et usuales equis porcionibus Et si predictus redditus a retro sit in parte vel in toto post aliquem terminum per unum mensem tunc bene liceat predictis abbatisse et conventui et eorum successoribus sive eorundem procuratoribus distringere in omnibus tenementis predictorum Nicholai Juliane et Henrici et districtiones retinere quousque de redditu sic a retro eisdem fuerit plenarie satisfactum Predicti vero Nicholaus Juliana et Henricus omnes et singulos muros et clausuras circumcirca gardinum predictum predictis abbatisse et conventui pertinentes sumptibus eorum propriis quociens necesse fuerit durante vita eorum vel cuius eorum ut premittitur sustentabunt et emendabunt et reparabunt Nec liceat eisdem Nicholao Juliane et Henrico nec alicui eorum predictum gardinum cum pertinentiis nec aliquam partem eiusdem alicui sive aliquibus ad firmam sive ad terminum annorum concedere sive dimittere durante vita eorum vel unius eorum sine speciali voluntate et concensu predictorum abbatisse et conventus et eorum successorum Et nos predicti abbatissa et conventus et successores nostri predictum gardinum cum libere ingressu et egressu et cum aliis pertinentiis in forma superius notata predictis Nicholao Juliane et Henrico ad terminum vite eorum vel unius eorum diucius viventis contra omnes gentes warantizabimus acquietabimus et per presentes defendemus Hiis testibus Johanne Stodle tunc maiore ville Oxon Johanne Gibbis Johanne Hampton tunc ballivis Galfrido Lodewell Thoma Laton Johanne Brasier et aliis In cuius rei testimonium tam sigillum communi predictorum abbatisse et conventus tam sigilla predictorum Nicholai Juliane et Henrici hiis indenturis alternatim sunt appensa Data Oxon in festo exaltationis sancte crucis anno regni regis Edwardi tercii post conquestum quadragesimo tercio