Charter Document - 05450499
| Charter Number: | 05450499 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1304 |
| Date type: | Internal, Regnal, Feast |
| Resource Link(s): |
|
Charter:
Universis pateat per presentes quod nos Alicia de Gorges permissione divina abbatisse de Godestowe et eiusdem loci conventus concessimus et tradidimus Simoni de Bradewey et Lucie uxori sue unam placeam cum introitu que est in parochia sancte Marie Oxon inter tenementum nostrum ex parte una et tenementum Johannis de Weston ex altera in alto vico iuxta Schidzerd habendam et tenendam totam predictam placeam cum predicto introitu cum omnibus suis pertinentiis et aysiamentis predictis Simoni et Lucie uxori sue ad terminum vite eorundem vel alterius eorundem qui supervixerit libere quiete bene et in pace ita tamen quod predicti Simon et Lucia vel alter eorundem qui supervixerit unam cameram lapideam in eadem placea ex parte australi sumptibus suis propriis infra annum a tempore receptionis presentis levabit et perficiet continentem in longitudinem quatuordecim pedes et in latitudine decem pedes infra muros vel longius et latius prout viderit sibi expedire una cum reparatione unius fontis lapidei et emendatione in eadem placea sine destruccione dicte camere vel amotione aliquo modo faciende Et si contingat quod predicti Simon et Lucia predictam cameram non levaverint nec perfecerint nec fontem mundaverint infra annum ut predictum est liceat nobis per ballivos nostros predictam placeam cum introitu predicto reintrare et ut liberum tenementum nostrum retinere sine impedimento vel contradictione predictorum Simonis et Lucie reddendo inde annuatim nobis et successoribus nostris ii s et viii d ad quatuor anni terminos usuales salva tamen nobis et successoribus nostris potestate in predicto tenemento pro dicto redditu distringendi si necesse fuerit et pro voluntate nostra retinendi quousque de predicto redditu nobis fuerit satisfactum Et nos predicta Alicia de Gorges ac eiusdem loci conventus et successores nostri totam predictam placeam cum predicto fonte lapidea et dicto introitu cum omnibus pertinentiis suis et aysiamentis predictis Simoni et Lucie ad terminum vite eorundem ut predictum est contra omnes gentes warantizabimus acquietabimus et defendemus In cuius rei testimonium huic presenti scripto indentato partes altrinsecus sigilla sua apposuerunt Hiis testibus Roberto de Worenenhal tunc maiore Johanne de Colshulle Ricardo le espicer Johanne de Ew et Johanne de Dokelinton et aliis Data apud Godestowe die sancti Mathie apostoli anno regni regis Edwardi tricesimo secundo