Charter Document - 05450498
| Charter Number: | 05450498 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1323 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quorum noticiam hoc presens scriptum pervenerit Margeria de Dyne permissione divina abbatisse de Godestowe et eiusdem loci conventus salutem in domino sempiternam Noverit universitas vestra nos unanimi consensu et assensu totius capituli nostri dedisse concessisse et pro nobis ac successoribus nostris hoc presenti scripto confirmasse Radulpho de Seukworthe herbarius de Oxon Johanne uxori sue et Johanni filio eorum unam placeam iacentem in parochia sancte Marie virginis Oxon cum uno introitu spectantis ad eandem inter tenementum nostrum ex parte orientali et tenementum Isolde que fuit uxor Johannis de Weston ex parte occidentali habendam et tenendam predictam placeam cum introitu ad eandem prefatis Radulpho Johanne uxori sue et Johanni filio eorum ad totam vitam ipsorum Radulphi Johanne et Johannis reddendo inde annuatim nobis et successoribus nostris predictis Radulphus Johanna et Johannes quamdiu vixerint seu vixerit eorum aliquis vi s et viii d ad quatuor terminos principaliter et usuales pro omni servitio seculari exactione et demanda ita videlicet quod si predictus redditus sit a nobis aliquo modo iniuste ultra annum retentus liceat nobis predictos Radulphum Johannam et Johannem per omnia bona sua in eadem placea vel ubicumque fuerint inventa distringere et districtiones retinere quousque nobis plenarie fiat de omnimodis arreragiis predictorum vi s et viii d restitutio Et nos abbatissa et conventus predicti et successores nostri totam predictam placeam cum introitu predictis Radulpho Johanne et Johanni ad totam vitam ipsorum omnium et singulorum warantizabimus acquietabimus et defendemus pro servitio prenotato Pro hac autem donatione concessione huius scripti nostri confirmatione warantia et defensione dederunt nobis dicti Radulphus Johanna et Johannes quandam summam pecunie premanibus Et ut hec nostra donatio concessio presentis scripte confirmatio warantia et defensio rate et stabiles ad totam vitam predictorum Radulphi Johanne et Johannis permaneant sigillum nostrum commune una cum sigillis predictorum Radulphi Johanne et Johannis huic scripto in modo cirographi confectis apposuimus Data apud Godestowe die lune in festo sancti Petri quod dicitur ad vincula anno domini millesimo CCC vicesimo tercio