Charter Document - 05450497
| Charter Number: | 05450497 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1307 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter Matildem abbatissam de Godestowe et eiusdem loci conventum ex parte una et Willelmum de Pothou et Margeriam uxorem eius ex parte altera videlicet quod predicta abbatissa et conventus dimiserunt et tradiderunt predicto Willelmo et Margerie uxori eius custodiam Johanne filie Alicie de Stanes cum uno mesuagio et pertinentiis in parochia beate Marie in Oxon quod quidem mesuagium situm est ex opposito scanulle cimiterium beate Marie supradicte in parte aquilonari habendum et tenendum predictum mesuagium cum pertinentiis usque ad plenam etatem predicte Johanne vel ad terminum decem annorum si predicta Johanna obierit reddendo inde per annum predictis abbatisse et conventui viii s annual ad quatuor anni terminos videlicet ad festum sancti Michaelis ii s et ad natale domini ii s et ad festum beate Marie in Marcio ii s et ad festum sancti Johannis baptiste ii s pro omni servitio exactione et demanda ita tamen quod predicti Willelmus et Margeria invenient predicto Johanne rationabile sustentationem et sustentabunt dictum mesuagium sumptibus suis propriis in adeo bono statu vel meliori quo illud receperunt Et si redditus dicti mesuagii terminis supradictis dictis abbatisse et conventui plenarie non fuerit solutus licebit dictis abbatisse et conventui per earum procuratorem dictum mesuagium intrare et illud recipere et occupare bona omnimoda in eodem inventa retinere quousque dictis abbatisse et conventui de dicto redditu fuerit satisfactum Et si contingat quod absit quod predictum mesuagium combustum fuerit vel ruinosum infra terminum predictorum Willelmi et Margerie predicti Willelmus et Margeria dictum mesuagium sumptibus suis propriis reedificabunt Et predicta abbatissa et conventus predictum mesuagium cum pertinentiis dictis Willelmo et Margerie usque ad terminum supradictum warantizabunt Pro hac autem dimissione et traditione solverunt dicti Willelmus et Margeria dictis abbatisse et conventui vi s et viii d premanibus In cuius rei testimonium huic scripto indentato partes alternatim sigilla sua apposuerunt Hiis testibus Johanne aurifabro Johanne le barbour Thoma le iremonger Thoma le lumenour Roberto de Kelme Willelmo le bokbindere et aliis Data apud Godestowe die sancti Michaelis anno regni regis Edwardi filii regis Edwardi primo