Charter Document - 05450496
| Charter Number: | 05450496 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1314 - 1315 |
| Date type: | Assigned |
| Resource Link(s): |
|
Charter:
Hec est conventio facta inter Matildem abbatissam de Godestowe et eiusdem loci conventum ex parte una et Stephanum de Bromyerd dictum de Abyndon ex altera videlicet quod predicta abbatissa et conventus tradiderunt et ad firmam remiserunt unum mesuagium cum pertinentiis in parochia beate Marie de Oxon dicto Stephano et Juliane uxori eius et heredi eorum qui de eis exeunt quamdiu vixerint quod quidem mesuagium situm est in vico de Catestrete Oxon dicte parochie inter terram Thome de Pyrye ex parte una et tenementum hospitalis sancti Johannis Oxon ex parte altera habendum et tenendum totum predictum mesuagium cum omnibus pertinentiis suis et aisiamentis de nobis et successoribus nostris dictis Stephano et Juliane uxori eius et heredibus eorum ut predicutm est libere quiete bene et in pace reddendo inde annuatim dictus Stephanus et uxor eius vel eius heredes nobis et successoribus nostris xxx s annualis redditus ad quatuor anni terminos videlicet ad festum sancti Michaelis vii s et vi d et ad natale domini vii s et vi d et ad festum beate Marie in Marcio vii s et vi d et ad festum nativitatis sancti Johannis baptiste vii s et vi d pro omni servitio et exactione et demanda salva exactione forinseca ita tamen quod dictus Stephanus et uxor eius et heredes predicti dictum mesuagium cum omnibus suis pertinentiis in omnibus et singulis eorum sumptibus sustinebunt in adeo bono statu seu meliori in quo ipsum receperunt Et si contingat quod dictus redditus terminis statutis minime nobis et successoribus nostris fuerit plenarie per annum solutus vel quod sit ruinosum per quod dictus redditus de dicto tenemento levari non poterit licebit dicte abbatisse et conventui dictum tenementum distringere de die in diem et districta retinere quousque in omnibus fuerit sibi satisfactum vel ingredi et uti retentione dictorum tenementorum nomine liberi tenementi sine contradictione alicuius seu aliquorum Et ut hec conventio rata et stabilis permaneat inperpetuum partes alternatim sigilla sua presentibus scriptis apposuerunt Hiis testibus Willelmo de Burcestre tunc maiore Oxon Ricardo Cari et Johanne de Bisschopiston tunc ballivis eiusdem Johanne de Cristescherche Thoma de Grauntpount Roberto de Wattelyngton Johanne de London clerico et aliis