Charter Document - 05450495
| Charter Number: | 05450495 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1278 - 1283 |
| Date type: | Assigned |
| Resource Link(s): |
|
Charter:
Hec est conventio facta inter Roysiam de Godestowe abbatissam et eiusdem loci conventum ex parte una et Johannem de Stanes ligatorem de Oxon ex altera videlicet quod predicta abbatissa et conventus tradiderunt ad firmam et remiserunt unum mesuagium cum pertinentiis in parochia beate Marie de Oxon in vico proximo ecclesie beate Marie in parte aquilonari quo quidem mesuagium situm est inter domum abbatis de Oseneye que quondam vocabatur aulam Pilati ex parte una et domum Willelmi de Brecham ex altera dicto Johanni et Matildi uxori sue et heredibus suis de corporibus eorum legitime procuratis habendum et tenendum totum predictum mesuagium cum omnibus pertinentiis suis et aisiamentis de nobis et successoribus nostris dictis Johanni et Matildi uxori sue et heredibus suis de eorum corporibus legitime procuratis libere quiete bene et in pace reddendo inde annuatim nobis et successoribus nostris viii s annualis redditus ad quatuor anni terminos videlicet ad festum sancti Michaelis ii s [et ad natale domini ii s] et ad festum beate Marie in Marcio ii s et ad festum nativitatis sancti Johannis baptiste ii s pro omni servitio exactione et demanda ita tamen quod predictus Johannes et uxor eius et heredes sui de corporibus eorum legittime procuratis dictum mesuagium cum omnibus suis pertinentiis in omnibus et singulis eorum sumptibus sustinebunt in adeo bono statu seu meliori in quo ipsum receperunt Et quod non licebit dicto Johanni et Matildi uxori sue nec heredibus eorum de eorum corporibus legittime procuratis dictum mesuagium neque in toto nec in parte aliquo modo vendere alienare seu assignare Et si contingat quod absit quod dictus redditus terminis statutis minime nobis et successoribus nostris fuerit plenarie per annum solutus vel quod sit ruinosum per quod dictus redditus de dicto tenemento levari non poterit licebit dictis abbatisse et conventui dictum mesuagium in fine anni intrare et in proprios usus recipere et occupare sine contradictione alicuius seu aliquorum renuntiantes ex utraque parte pro eis et successoribus eorum omni exceptioni cavillationi regie prohibitioni et omnis iuris remedio per quod presens scriptum sub forma prescripta impediri poterit Et ut hec conventio rata et stabilis permaneat inperpetuum partes alternatim sigilla sua apposuerunt Hiis testibus Nicholao de Kyngeston tunc maiore Oxon Willelmo le espicer Johanne de O Henrico Oweyn Nicholao de Coleshulle Johanne Sewy Willelmo ligatore de Katestrete Symone Scot et aliis