Charter Document - 05450494
| Charter Number: | 05450494 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1279 - 1283 |
| Date type: | Assigned |
| Resource Link(s): |
|
Charter:
Hec est conventio facta inter Roysam abbatissam de Godestowe et eiusdem loci conventus ex parte una et Symonem dictum Balle pargamentarium de Oxon ex altera videlicet quod predicta abbatissa et conventus tradiderunt et ad firmam remiserunt unum mesuagium cum pertinentiis in parochia beate Marie de Oxon in vico de Catestrete quod quidem mesuagium situm est inter terram Symonis ligatoris ex parte una et domum Thome Balle ex parte altera dicto Symoni et Matilde uxori sue et heredibus eorum qui de eis exemit quamdiu vixerint habendum et tenendum totum predictum mesuagium cum omnibus pertinentiis suis et aisiamentis de nobis et successoribus nostris dictis Symoni et Matilde uxori sue et heredibus eorum libere quiete bene et in pace reddendo inde annuatim nobis et successoribus nostris xxx s annualis redditus ad quatuor anni terminos videlicet ad festum sancti Michaelis vii s et vi d et ad natale domini vii s et vi d et ad festum beate Marie in Marcio vii s et vi d et ad festum nativitatis sancti Johannis baptiste vii s et vi d pro omni servitio exactione et demanda ita tamen quod dictus Symon et uxor eius et heredes eorum dictum mesuagium cum omnibus suis pertinentiis in omnibus et singulis eorum sumptibus sustinebunt in adeo bono statu seu meliori in quo ipsum receperunt Et quod non licebit dicto Symoni et Matilde uxori sue nec heredibus eorum dictum mesuagium neque in toto nec in parte aliquo modo vendere alienare seu assignare Et si contingat quod absit quod dictus redditus terminis statutis minime nobis et successoribus nostris fuerit plenarie per annum solutus vel quod sit ruinosum per quod dictus redditus de dicto tenemento levari non poterit licebit dictis abbatisse et conventui dictum mesuagium in fine anni intrare et in proprios usus recipere et occupare sine contradictione alicuius seu aliquorum renunciantes ex utraque parte pro eis et successoribus eorum omni exceptioni cavillationi et maxime regie prohibitioni et omnis iuris remedio per quod presens instrumentum sub forma prescripta inpediri poterit Et ut hec conventio rata et stabilis permaneat inperpetuum partes alternatim sigilla sua apposuerunt Hiis testibus Nicholao de Kyngeston tunc maiore Oxon Nicholao de Coleshulle Johanne Sewy tunc ballivis Helia le quilter Willelmo ligatore de Katestrete Symone Scot Symone ligatore de Katestrete et aliis