Charter Document - 05450493
| Charter Number: | 05450493 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo le Paumer de Oxon dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris omnes terras meas et redditus meos in villa et in suburbio Oxon videlicet totam illam terram in longitudine et latitudine cum omnibus suis pertinentiis que iacet inter terram Willelmi spicenarii ex una parte et terram Galfridi sub muro ex altera in parochia beate virginis et totam illam seldam in cordewanaria que est inter terram que aliquando fuit Roberti Oweyn et terram Walteri Feteplace in parochia sancti Michaelis borialis Oxon et xiiii s et vj d annualis redditus de tenementis in parochi sancti Aldati que iacent inter terram que aliquando fuit Johannis Rennewayt et venalem que ducit ad pristinum et xii d annualis redditus de terra que aliquando fuit Roberti de Scyreburne in eadem parochia que iacet inter terram que aliquando fuit Ricardi de Elsefeld et terram que aliquando fuit Willelmi de Ferendon et iii s annualis redditus de terra que iacet inter terram que aliquando fuit Johannis Bruton et terram Henrici Perle subtus murum Oxon in parochia sancti Michaelis ad portam australem et xvi s annualis redditus in eadem parochia subtus murum Attesulwingstole de terra que iacet inter terram Petri de Wymburne et terram Nicholai de Crickelade et unam acram prati in Bissopesheyte sicut sors dederit habendas et tenendas totas predictas terras cum omnibus predictis redditibus et eorum pertinentiis infra burgum Oxonie et extra predictis monialibus et earundem successoribus in puram et perpetuam elemosinam sicut aliqua elemosina liberius et quietius dare vel assignare poterit inperpetuum salvis redditus de dictis terris et tenementis debitis et consuetis terminis statutis Et ut hec igitur omnia prescripta et predivisa rata sint firma et stabilia sine dolo inperpetuum hanc presentem cartam sigillo meo corroboravi Hiis testibus Nicholao de Kyngeston tunc maiore Oxon Nicholao aurifabro Henrico Gamages tunc ballivis Oxonie Willelmo spicenar Galfrido aurifabro Johanne de O Philippo de O Andrea de Durham Nicholao de Collushulle Johanne Wyth Roberto Bodyn et multis aliis